【餐廳好推介】太子酒店SAVVY必食新推介！日式新鮮刺身/豐富鐵板套餐
平時出街食飯，最煩惱莫過於諗食乜好！位於香港太子酒店嘅餐飲空間「SAVVY」就可以為大家提供一個舒適又美味嘅用餐環境及空間！最近仲全新推出3款全新菜單，由專業廚師團隊精心打造，匯集日本、印度、泰國、中國、韓國等環球美食，喺香港都可以直接品嚐到正宗又好味嘅地道佳餚啦！無論係同朋友、同事或者另一半甜蜜拍拖都好適合㗎，率先睇睇今期必試嘅新menu先啦！
晚市尊享！席前料理互動 鐵板燒體驗
想同另一半或者屋企人食返個大餐！SAVVY逢星期日至星期二晚市都提供「鐵板套餐」！有2款奢華組合可以任君選擇，一款以新鮮甜美嘅澳洲龍蝦，配搭油花豐腴嘅日本宮崎A5和牛（港幣1,288），令人難以抗拒嘅美食組合！另一款則主打爽口彈牙嘅太平洋黑虎蝦，以及鮮嫩嘅澳洲和牛菲力牛扒（港幣888），同樣令人食指大動！而且每份套餐都仲會包含鮮美時令刺身、主廚特製湯品、鐵板炒飯及甜品，食完絕對大滿足！
而且廚師亦會喺大家面前即席獻技，為大家帶來一場多感官互動嘅用餐體驗！
全日供應！環球亞洲風味單點菜式
隨時隨地品嚐唔同風味，全新單點菜單將會全天候供應，涵蓋多款亞洲同燒烤美點，款式超多元化！精選推介包括：超開胃嘅燒阿拉斯加帝王蟹配青檸辣汁、油脂感滿滿嘅鐵板烤鴨肝配無花果醬、惹味印度烤雞、青咖哩牛肋排配泰國茄子等；當中更有玩味十足嘅麻婆豆腐多士及人人都愛嘅韓式甜辣炸雞，滿足大家嘅不同口味！
即使係素食者都有得揀㗎！選用特別方法秘製嘅秋葵就係今期新品必食嘅菜式之一啦～
食到最後，當然要以甜品作為完美嘅結尾啦！泰式奶茶焦糖燉蛋及花生醬純素朱古力蛋糕配紅桑子雪葩，兩款甜品都層次感滿滿，夠晒驚喜！
午市限定：自選極尚刺身組合
Lunch time想食得清新啲？午市限定推出咗九款極尚刺身，選用新鮮上乘食材，推介包括：北海道帶子配牛油果、香蔥油甘魚及火炙吞拿魚等，聽落超吸引！最特別係大家可以任意挑選四款心水刺身，仲可以選配稻庭烏冬或番茄沙律，組合成專屬於你嘅午餐set！為自己好好「充電」～
SAVVY
地址：香港太子酒店三樓
訂座：+852 2113 6188
*價目另設加一服務費
(Presented by Marco Polo Hotels – Hong Kong)
圖片來源：Marco Polo Hotels – Hong Kong
