【港式飲食大變身！】君蘭冰室創意菠蘿包！傳統滋味撞出新派驚喜

冰室3合1新概念：融匯傳統與創新的結合

「君蘭」作為本地老字號連鎖餅店，依然秉持住創新精神！創立「君蘭冰室」並將佢哋引以為傲嘅港式烘焙手藝及地道冰室美食完美融合，創造出獨有嘅茶餐廳風格。今次君蘭冰室就為港式麵包注入創新元素：將傳統工藝同現代風味交織融合，開啟菠蘿包嘅革新面貌！將深受港人喜愛嘅菠蘿包，與大家熟悉嘅味道配搭出意想不到嘅食材，呈現驚喜十足嘅創意之作，每一啖都係驚喜之作！

素食者必try!｜素漢堡牛油果醬菠蘿包

邊個話素食者就冇得食菠蘿包㗎？「素漢堡牛油果醬菠蘿包」酥脆嘅菠蘿包外皮，內裏包住惹味嘅素漢堡扒，再配搭埋口感細滑又濃郁嘅牛油果醬，味道超match！而且，漢堡扒更選用優質大豆蛋白製成，但依然保留到彷似傳統漢堡嘅肉汁同鮮味，整體味道層次分明，連素食朋友都可以盡情享受特色菠蘿包嘅滋味！

港式經典二重奏｜吉列魚柳菠蘿包

茶餐廳之經典完美結合！「吉列魚柳菠蘿包」包住熱辣辣新鮮即炸嘅吉列魚柳，魚肉鮮嫩又多汁；配上特製嘅他他醬，酸酸甜甜夠晒開胃！而且魚柳嘅鮮味加上菠蘿包嘅香甜互相輝映，每一啖都係滿滿嘅港式風味，令人食指大動！

「真」材實料有驚喜｜烤菠蘿芝士漢堡菠蘿包

你冇睇錯！菠蘿包入面真係有菠蘿！呢款「烤菠蘿芝士漢堡菠蘿包」絕對係驚喜嘅創新combo～內餡就非常豐富，包含肉汁爆滿嘅牛肉漢堡扒，鋪上香濃車打芝士；最特別嘅係加入咗新鮮烤製嘅菠蘿片。一啖咬落去，一次過品嘗到芝士嘅香濃、漢堡扒嘅肉汁，再加上菠蘿嘅清甜，層次感滿滿，口感豐富，帶畀你前所未有嘅味覺享受！

邪惡軸心之選｜菠蘿滑蛋油

講到冰室必食包點，又點少得菠蘿油呢！特別推出嘅「菠蘿滑蛋油」更可以話係邪惡之選！鬆脆菠蘿包中間加入咗香滑嫩口嘅炒蛋，再夾埋一大塊冰凍嘅牛油。當你一啖咬落去，半溶嘅牛油同滑蛋慢慢流出，味道超正，包保令大家食過返尋味！

更多港式麵包餐點！

除咗以上創新口味嘅菠蘿包之外，仲可以選三文治及厚多士！當中另一款必食嘅就係「招牌爆芝西多士」！選用咗君蘭自家製作嘅厚切多士，足足超過2吋咁多。厚切多士炸至金黃色，外脆內軟，再淋上超多芝士奶蓋及阿華田粉。喺切開嘅時候，芝士亦隨之呈現「爆汁」狀態，無論係視覺效果定味道都滿分！

冰室必食正餐！性價比極高兩餸飯+港式炒粉麵飯

平時午餐或者晚餐都可以食平啲又夠滿足！君蘭冰室仲提供兩餸飯套餐，售價只需$38起。每日供應10款不同口味嘅小菜，包括：京川回鍋肉、咖喱燜牛腩、冬菇魚肚蒸滑雞、炒翠玉瓜等。即使喺繁忙嘅生活中都可以尋找到一份「住家味」～

另外，亦有茶餐廳必備嘅炒粉麵飯，包括：港式咖哩、沙嗲牛肉炒河粉等，火候十足，香口惹味！

君蘭冰室

地址：亞皆老街8號朗豪坊商場B2,26-27號舖

營業時間：8:00am – 10:00pm

網頁：https://www.orchidpadaria.com.hk/

（Presented by Orchid Padaria Cafe)