金翠餐廳 – 太子餐廳 必食美式雜扒餐
金翠餐廳｜金翠餐廳是太子區一間充滿懷舊風情的港式茶餐廳，以其獨特的裝潢和美味的鐵板扒餐而聞名。餐廳內部裝飾以五光十色的霓虹燈燈牌為主題，營造出濃厚的舊香港氛圍。主打菜式包括美式雜扒餐、豬扒菠蘿包和羅宋湯等經典港式美食。餐廳的價格親民，人均消費約為$51-100，是品嚐地道港式美食和懷舊氛圍的理想之選。新假期美食編輯已經為你整理了餐廳的精選圖片、地址及交通資訊等，對呢間餐廳有興趣嘅朋友就可以Bookmark定啦！
金翠餐廳 – 太子餐廳 必食美式雜扒餐目錄
編輯精選推薦：
太子扒房推介2025 – 3間必食太子扒房：熱騰騰鐵板牛柳配香濃黑椒汁 / 經典鐵板肉眼牛扒 / 美式雜扒餐配豬扒菠蘿包
金翠餐廳太子 | 預約電話/地址/交通一覽
金翠餐廳｜餐廳介紹 懷舊裝修/霓虹燈牌/鐵板扒餐
金翠餐廳的美式雜扒餐是不容錯過的招牌菜式，包括豬扒、雞扒和牛扒等多種肉類，搭配波浪型薯條和新鮮蔬菜，滿足感十足。顧客可選擇黑椒汁或洋蔥汁來搭配扒餐，增添風味。餐廳的羅宋湯帶有微辣口感，開胃爽口，是餐前的絕佳選擇。另一道必試菜式是豬扒菠蘿包，金黃酥脆的外層配上鮮嫩多汁的豬扒，口感豐富層次分明。甜品方面，紅豆冰是不少顧客的最愛，香甜的紅豆蓉配上幼滑淡奶，是完美的餐後享受。值得一提的是，餐廳的下午茶套餐也很受歡迎，包括多種小食和飲品，非常適合與朋友聚會。無論是懷舊氛圍還是美味佳餚，金翠餐廳都能為您帶來難忘的用餐體驗。不妨今天就來金翠餐廳，感受地道的港式茶餐廳魅力吧！
金翠餐廳｜網民食評
金翠餐廳食物質數、環境及氣氛如何？根據Google評論，目前金翠餐廳總平均分數為4.4星，看看網民如何評論金翠餐廳吧！
Yolanda的食評：
餐廳裝修用懷舊做主題，有好多五光十色既霓紅燈燈牌，落單用QR Code！.📍 美式雜扒餐 $102 + $3扒餐跟紅/白湯+牛油餐包，仲有咖啡或茶！我哋就簡左紅湯，凍檸茶！蘿宋湯帶微辣，開胃好飲👍🏻 餐包熱辣辣又軟熟！.鐵板餐，Staff會問你要洋葱汁定黑椒汁，我就簡左黑椒汁！然後再俾張大紙巾你遮一遮！扒類份量好多，豬扒軟嫩有肉香，雞扒飽滿，牛扒偏薄，但都唔會overcook！配上波浪型薯條、少少蔬菜同廚師腸，滿足！.甜品係啫喱加花奶，超級童年回憶😮💨💕.📍 生炸雞脾配半份西多士，跟紅豆冰 $62生炸雞髀金黃香脆，帶鹹香味！西多士外層炸到金黃色，配上牛油同花生醬，再淋上糖漿，超級邪惡！食落仲有超濃蛋香🤤.再飲翻杯紅豆冰，香甜既紅豆蓉🫘，配上幼滑淡奶👍🏻.Overall, 環境舒服有氣氛，六點後仲會熄減啲燈，增加情調🤭 食物質素方面唔錯，而且份量好大，我地兩個人叫左一份扒餐，一份下午茶餐，已經食到好飽，捧住個肚走！d staff都好有禮貌，而且價錢合理，絕對係會回頭既一間港式鐵板餐廳，間中懷舊下都真係幾有Feel🥰\
餐點：4/5|服務：5/5|氣氛：4/5
Cobo Sin的食評：
同朋友去食下午茶, 黎左呢間咁有懷舊裝修既茶餐廳餐廳好近太子地鐵站, 附近仲有多條巴士線, 亦都好近黃崗直通車站, 地點勁方便!入面裝修好有心思特色，大部份都係卡座,懷舊設計加上好多霓虹燈牌,打卡一流!佢地主打食鐵板扒餐, 我地今日點左一份扒餐+一個下午茶餐.蝴蝶型肉眼牛扒✨店員極速就已經上左個餐包同湯, 我地揀左羅宋湯, 酸酸甜甜+勁足料既蔬菜好開胃好好飲!個扒黎到好驚喜, 塊扒大塊鐵板😯店員會即場將黑椒汁淋係鐵板上, 肉質嫩亦無鬆肉粉感覺, 茶餐廳食扒有呢個質素係正既👍👍呢個餐仲包埋野飲同甜品, 抵呀😍豬扒菠蘿包✨見人地嗌好吸引我又試下先, 個包大到要切開先食到, 大大塊豬扒夾係中間, 配埋D生菜蕃茄層次好豐富, 如果入面加多隻煎蛋就完美喇💯\
餐點：5/5|服務：5/5|氣氛：5/5
Metalgear Metalgear的食評：
早排睇D電視美食節目介紹D餐廳食巿，講哩間金翠，個女主持介紹份雜扒餐份量大到一個人根本食唔哂!邊有可能咁大份呀! 擺明老吹啦!唔信? 好! 即刻去踢館! 睇吓佢份雜扒係咪咁大份！拆佢招牌成唔成功!優點:1, 環境濃濃舊香港味!2, 無收加一.3, 冷氣都叫okay.4, 最滿意杯紅豆冰，唔太甜紅豆口感又夠綿，夾自己口味.5, 份雜扒要黑椒汁，黑椒汁有黑椒味之餘帶甜味，味道又唔會太鹹太辣，滿意!6, 白湯夠濃郁.缺點 :1, 首先點雜扒之餘，我地亦點咗個菠蘿油，菠蘿油成34蚊，果片牛油仲少過街邊麵包店十幾蚊嘅菠蘿油! 偷工減料得過份有相有真相!2, 預咗份雜扒質素低劣，結果不負眾望! 首先只有條腸叫做似樣，其他全部都唔合格! 雞扒明顯切走一半，雞皮又唔夠脆口，塊豬扒毫無 juicy 口感硬到好似鋸緊塊木板! 牛仔骨更加不知所謂! 又薄無肉只得肥膏! 大家樂D扒仲好過佢!3, 拍片時係流心蛋，現實係 Hea 蛋! 求其搵間茶記炒隻蛋都好過佢十倍!4, 塊煙肉同塊豬扒一樣咁硬! 柴口好感咬緊隻拖鞋！5, 個人喜歡鐵板餐跟三色豆，唔俾三色豆都算! 俾堆椰菜感覺好Hea!6, 薯條冧哂一D都唔脆! 死罪!7, 餐前餐包仔唔熱.今之拆招牌完全成功啦! 以前金翠嘅高質素已經蕩然無存! 吹到咁大份呃人同廖孖記有咩分別？下一步就留意吓社交平台嘅全港店舖執粒關注組，睇吓佢地幾時會見報.\
餐點：1/5|服務：1/5|氣氛：1/5
金翠餐廳有什麼特色菜式推薦？
金翠餐廳的特色菜式包括美式雜扒餐、豬扒菠蘿包和羅宋湯。美式雜扒餐提供多種肉類選擇，搭配黑椒汁或洋蔥汁。豬扒菠蘿包外層金黃酥脆，內裡豬扒鮮嫩多汁。羅宋湯則帶有微辣口感，非常開胃。此外，餐廳的紅豆冰也是不少顧客的最愛。
金翠餐廳的環境如何？
金翠餐廳以懷舊風格為主題，內部裝飾充滿舊香港特色。餐廳內有許多五光十色的霓虹燈燈牌，營造出濃厚的復古氛圍。座位以卡座為主，環境舒適。晚上六點後，餐廳會調暗燈光，增添更多情調。整體來說，金翠餐廳的環境非常適合拍照打卡，也很適合與朋友聚會。
