燒汁牛肉大飯糰食譜 ! 帶飯、野餐必學好易整!｜懶人廚房
廣告
返工帶飯唔想整飯盒，不如學日本女生做飯糰。Onigirazu免捏飯糰，唔使捲唔使搓，簡單快捷，而且賣相又靚，即學懶人飯糰食譜 ！又或者帶去野餐，告別沉悶的菠蘿腸仔、三文治！
撰文：ning ｜ 圖片：Chi
懶人飯糰食譜 燒汁牛肉口味超易整！
懶人燒汁牛肉大飯糰材料
壽司飯…………….500克
紫菜…………………..3塊
肥牛………………..5-6片
生菜………………..4-5塊
半熟雞蛋……………..1隻
泡菜………………….適量
燒肉汁……………….適量
麻油………………….適量
零失敗示範
1.壽司飯洗淨煮熟，放至微暖後加入麻油拌勻備用。
2.中火煎熟肥牛片，加燒肉汁調味。
3.準備一個大碗，裡面鋪上保鮮紙，放入兩塊紫菜，依碗形鋪好。
4.放入一半壽司飯，鋪平，再放入生菜、肥牛、蛋、泡菜，最後放上剩餘的飯。
5.加一小片紫菜於頂層，再將大紫菜的四角，連同保鮮紙包實整個飯糰。
6.放置十分鐘後切半即成。
