低卡日式牛肉飯＋芝士梳乎厘｜搵食新煮意（新假期APP限定）

5月9日搵食新煮意：低卡日式牛肉飯＋ 芝士梳乎厘

1. 低卡日式牛肉飯

連鎖店的日式牛肉飯淋上滿佈肥油的醬汁，一客大的牛肉飯已有820kcal，當中高達5茶匙油，大部份都是飽和脂肪！如果想吃得爽快零負擔的話，不妨試試在家自製，可以改用瘦牛肉片，蛋白質和鐵質含量不減，但油份大減50%，只有大約448kcal，而且過程只需10分鐘！ 想煮懶人餐，可於雪藏凍肉舖購買已切成薄片的瘦牛肉，又或可以買新鮮瘦牛柳回來。牛肉要切得夠薄才易熟，加入已煮沸的調味料中，攪拌約半分鐘便可熄火。

材料（2人份量) ：

• 瘦牛肉片200克
• 洋葱1個
• 五穀飯2碗
• 油2茶匙

調味料材料：

• 味醂 1湯匙
• 清酒 1湯匙
• 日本醬油 1.5湯匙
• 砂糖 2茶匙
• 水1/2碗

做法：

1. 洋葱去衣，切條。
2. 燒熱易潔鑊下油，慢火炒香洋葱至軟身。
3. 下調味料，以中火煮滾，下牛肉炒勻至熟，熄火。
4. 把五穀飯放入碗中，炒好的牛肉放在白飯上，即可享用。

2. 芝士梳乎厘

梳乎厘通常是甜吃的，這個用芝士做的鹹味梳乎厘，很好味道的！

材料（4人份量)：

• 牛油 4湯匙
• 麵粉 3湯匙
• 熱牛奶 280毫升
• 巴馬臣芝士(已磨碎) 50克
• 車打芝士(已磨碎) 75克
• 紅、黃、綠甜椒(已切碎) 每款1湯匙
• 海鹽 適量
• Cayenne 辣椒粉 適量
• 蛋黃 4隻
• 蛋白 4隻
• 熱水(焗梳乎厘時用)

做法：

1. 先在梳乎厘杯上蘸一層牛油及麵粉，備用。
2. 用平底鑊煮溶牛油，加麵粉拌勻，再一邊加熱牛奶一邊攪勻至杰身。拌入芝士至溶化，加甜椒， 以海鹽及辣椒粉調味。
3. 輕輕拂打蛋黃，另一邊將蛋白拂打至企身。蛋黃加芝士漿拌勻，然後再倒入蛋白拌勻。
4. 倒入梳乎厘杯，放進焗盤，注入熱水至梳乎厘杯半滿的高度。放入已預熱至180°C的焗爐焗25分鐘，趁熱享用。