搵食新煮意
搵食新煮意

香葱吞拿魚丼+杯麵版大阪燒+日式蕨餅|搵食新煮意(新假期APP限定)

食譜

廣告

新假期全新欄目《搵食新煮意》,每日為你推介今日食乜好!除了提供不同菜式的食譜,讓你留在家中自煮,都可以輕鬆試盡各地佳餚滋味;更會為你推介近期值得一試的香港餐廳,在家煮以外亦有不少好選擇,留在香港都可以齊齊搵食!4月2日《搵食新煮意》:香葱吞拿魚丼+杯麵版大阪燒+日式蕨餅。

4月2日搵食新煮意:香葱吞拿魚丼+杯麵版大阪燒+日式蕨餅

1. 香葱吞拿魚丼

香葱吞拿魚丼,以往只能在日本餐廳吃到,不過近年日本的急凍吞拿魚蓉大流行,在Donki或其他超巿都能買到,這次就教你簡單幾步,就能將之炮製成日本餐廳一樣的丼飯,再加上自製醬油漬蛋黃,味道迅即提昇,即睇食譜!

材料(2人份量):

  • 急凍吞拿魚蓉 75g
  • 香葱 適量
  • 日本雞蛋 2隻
  • 日本醬酒 100ml
  • 日本味醂 100ml
  • 白飯 2碗
  • 壽司醋 1-2茶匙
  • 紫菜 裝飾用

醬油漬蛋黃做法:

  1. 雞蛋分開蛋黃及蛋白。
  2. 混合日本醬油及味醂。
  3. 注入蛋黃中。
  4. 封好放入雪櫃 漬12小時。

香葱吞拿魚丼做法:

  1. 青葱切碎。
  2. 放入已解凍的即食吞拿魚蓉。
  3. 拌勻葱碎及吞拿魚蓉。
  4. 白飯趁熱置入大碗中,加入壽司醋拌勻。
  5. 葱吞拿魚蓉放在白飯上,把魚蓉鋪平。
  6. 把醬油清蛋置中即成!
搵食新煮意 4月2日搵食新煮意|1. 香葱吞拿魚丼
4月2日搵食新煮意|1. 香葱吞拿魚丼(圖片來源:新假期資料庫)

2. 杯麵版大阪燒

合味道杯麵大家食得多,不過倒水煮滾這種傳統食法已滿足不了網民對新菜式的慾望,繼先前有網民研發的杯麵炒飯後,就連合味道杯麵都曾在自己的日本官方Twitter公佈杯麵大阪燒食譜!5款材料即成,不用調味,單靠杯麵內的味粉已足夠,今次真是人人廚神不是夢!

材料:

  • 杯麵 1個
  • 椰菜 80g
  • 雞蛋 1隻
  • 麵粉 3大匙
  • 水 100ml

做法:

  1. 首先把杯麵連調味粉、蔬菜乾倒進保鮮袋之中,搗碎。
  2. 加入椰菜絲、雞蛋、麵粉及水,均勻攪拌好。
  3. 平底鑊加少許油,倒入混合物。
  4. 燒至2邊金黃色即可上碟,建議可加蓋燒熟,會讓內餡更鬆軟。
搵食新煮意 4月2日搵食新煮意|2. 杯麵版大阪燒
4月2日搵食新煮意|2. 杯麵版大阪燒(圖片來源:懶人廚房授權)

3. 日式蕨餅

蕨餅食譜送到!日本人愛吃涼浸浸的蕨餅,不過在名店食,幾乎百元埋單,靜靜雞話你知,原來蕨餅好易整,價錢仲起碼平一半,口味自己揀,送上零失敗日式抹茶、黃豆粉蕨餅食譜 ,即刻話你知!

材料:

  • 蕨餅粉…………….. 100g
  • 幼砂糖…………….. 100g
  • 水……………….. 500mL
  • 黃豆粉……………….適量
  • 抹茶粉……………….適量

做法:

  1. 黃豆粉及抹茶粉拌勻備用。
  2. 蕨餅粉、幼砂糖及水一同倒入鍋中(毋須開火)。
  3. 將材料攪拌至完全溶解無粉粒。
  4. 細火加熱,邊煮邊攪避免黏底,煮至液體凝固成黏稠、透明啫喱膠狀後熄火。
  5. 倒入焗盤,鋪平至適當厚度,在室溫放涼。
  6. 待蕨餅完全冷卻後,切粒拌上抹茶粉即成。
  7. 另一半則可拌入黃豆粉。(圖片來源:新假期編輯部)
搵食新煮意 4月2日搵食新煮意|3. 日式蕨餅
4月2日搵食新煮意|3. 日式蕨餅(圖片來源:新假期資料庫)

圖片來源:新假期資料庫、懶人廚房授權