搵食新煮意
搵食新煮意

黑松露脆皮燒雞+焗蟹肉魚子多士|搵食新煮意(新假期APP限定)

食譜

廣告

新假期全新欄目《搵食新煮意》,每日為你推介今日食乜好!除了提供不同菜式的食譜,讓你留在家中自煮,都可以輕鬆試盡各地佳餚滋味;更會為你推介近期值得一試的香港餐廳,在家煮以外亦有不少好選擇,留在香港都可以齊齊搵食!3月21日《搵食新煮意》:黑松露脆皮燒雞+焗蟹肉魚子多士。

3月21日搵食新煮意:黑松露脆皮燒雞+焗蟹肉魚子多士

1. 黑松露脆皮燒雞

這是一道私房菜餐廳非常受歡迎的招牌菜,脆香的燒雞配上黑松露,可謂色香味俱全。只要跟著食譜做,保證在大家都可以做出專業廚師級的水準!

材料:

  • 新鮮肥雞(約1.5千克)1隻
  • 冰鮮黑松露 1-2粒
  • 橄欖油 10克

黑松露肉醬材料(釀入雞肚用):

  • 半肥瘦免治豬肉 100克
  • 黑松露碎 約20克
  • 黑松露油 10克
  • 蠔油 10克
  • 老抽 5克
  • 雞粉 2克
  • 砂糖 2克
  • 水 80毫升
  • 生粉水 適量

調味料:

  • 海鹽 約15克
  • 花雕酒 1湯匙
  • 老抽 1湯匙

做法:

  1. 先將免治豬肉用少許油炒香,然後將黑松露碎及其他調味料及水加入煮滾,炒至豬肉全熟,以生粉水埋獻成黑松露肉醬,盛起待涼備用。
  2. 雞洗淨抹乾,用海鹽均勻擦抹全身內外。用刀小心界開雞的外皮,將黑松露油和松露片撈勻,放在雞皮與雞肉之間。並將放涼的黑松露肉醬釀入雞肚,以廚針縫好,用保鮮紙包好,放入雪櫃醃一晚。
  3. 將雞取出,花雕及老抽拌勻,均勻抹在雞皮上面,並讓它風乾一會。
  4. 預熱焗爐150℃,將雞放入焗一小時,期間要至少翻動一至兩次使其均勻受熱,一小時後將溫度調高至250℃,再焗15-20分鐘,至雞皮烤至金黃香脆,取出。吃時可原隻、斬件或手撕上碟,最後淋上材料餘下的5克松露油,增添香氣即可趁熱享用。
搵食新煮意 3月21日搵食新煮意|1. 黑松露脆皮燒雞
3月21日搵食新煮意|1. 黑松露脆皮燒雞(圖片來源:新假期資料庫)

2. 焗蟹肉魚子多士

多士上堆了一個小山般的蟹肉同忌廉芝士,非常鮮味。盒裝蟹肉在普通大型超市就買到,省卻拆蟹的麻煩,想豪華點,不妨加小匙黑色魚子醬點綴一下,馬上升呢!

材料:

  • 法包 1條
  • 盒裝蟹肉 150克
  • 忌廉芝士 150克
  • 日式蛋黃醬 1.5湯匙
  • 豉油 1.5茶匙
  • 紅辣椒粉 少許
  • 黑胡椒碎、鹽、牛油 適量
  • 混合芝士碎 100克
  • 蒔蘿 數束
  • 魚子(裝飾用)隨意

做法:

  1. 拆散蟹肉加放軟忌廉芝士拌勻。加蛋黃醬、豉油、紅辣椒粉、蒔蘿香草碎、黑胡椒碎、鹽拌勻。
  2. 法包斜切約1.5cm 厚,塗上蟹肉醬,灑芝士碎,放入已預熱至180℃的焗爐焗10分鐘至金黃。
  3. 加魚子及蒔蘿碎裝飾即可。
搵食新煮意 3月21日搵食新煮意|2. 焗蟹肉魚子多士
3月21日搵食新煮意|2. 焗蟹肉魚子多士(圖片來源:新假期資料庫)

圖片來源:新假期資料庫