搵食新煮意
搵食新煮意

黑蒜蒜蓉包+牛肝菌意大利飯|搵食新煮意(新假期APP限定)

食譜

廣告

新假期全新欄目《搵食新煮意》,每日為你推介今日食乜好!除了提供不同菜式的食譜,讓你留在家中自煮,都可以輕鬆試盡各地佳餚滋味;更會為你推介近期值得一試的香港餐廳,在家煮以外亦有不少好選擇,留在香港都可以齊齊搵食!3月11日《搵食新煮意》:黑蒜蒜蓉包+牛肝菌意大利飯。

3月11日搵食新煮意:黑蒜蒜蓉包+牛肝菌意大利飯

1. 黑蒜蒜蓉包

人人都知蒜蓉包很惹味,今次用上黑蒜加鮮蒜,蒜香更突出,又有抗氧化功效。熱辣辣一片新鮮焗起,配杯蔬果汁,美味又健康。

材料(2人份):

  • 黑蒜(淨肉)150克
  • 新鮮蒜蓉 150克
  • 幼鹽 約1.5茶匙
  • 日本牛油 250克
  • 法國麵包或任何自己喜愛的麵包(切適當厚度)

做法:

  1. 黑蒜肉用叉壓爛成黑蒜蓉,再混合新鮮蒜蓉。
  2. 將幼鹽、牛油和蒜蓉醬混合攪拌成蒜香牛油。
  3. 將蒜香牛油放入密封容器蓋好,放入雪櫃冷凍定形,備用。
  4. 預熱焗爐約180℃,將適量黑蒜蒜蓉醬抹在麵包上,焗3-4分鐘至麵包微焦帶脆,即可享用。
搵食新煮意 3月11日搵食新煮意|1. 黑蒜蒜蓉包
3月11日搵食新煮意|1. 黑蒜蒜蓉包(圖片來源:新假期資料庫)

2. 牛肝菌意大利飯

意大利的牛肝菌有天然松木的清香,與芝士是絕配,一淡一濃,配合用來煮意大利飯,最能突出菌香。做法簡單,一大鍋,熱辣辣,最適合派對上齊齊分享。

材料:

  • 乾牛肝菌(以熱水浸軟,瀝乾,水留起備用) 25克
  • 雜菌(約2-3包不同品種,可先用黑椒、鹽炒香) 500克
  • 百里香 數束
  • 番荽 數束
  • 有機牛肉湯粒 2粒
  • 洋葱 1個
  • 蒜頭 2粒
  • 白酒 半杯
  • 煙肉粒 100克
  • 牛油 2大匙
  • 意大利米 300克
  • 熱水 1-1.5公升
  • Parmesan 芝士碎 50克
  • 黑胡椒碎、鹽、橄欖油 適量

做法:

  1. 取深圓鍋,開中火以小量橄欖油炒香煙肉粒、加入洋葱及蒜頭再炒約兩分鐘。加意大利米(毋須洗米)炒熱後加白酒及牛肝菌水煮至酒精蒸發。
  2. 加入牛肉湯粒煮溶,再加百里香碎及一半份量已炒香的雜菌,然後開始計時煮13分鐘。中途要分三至四次逐少加入熱水,讓米飯吸收,不時攪拌,以防黏底。
  3. 當米粒煮至有輕微咬勁時(Al Dente)熄火,加牛油、芝士碎拌勻。再加餘下炒雜菌,蓋上鍋蓋焗2分鐘。
  4. 開蓋,灑上黑胡椒碎、百里香及番荽碎、芝士及小量特醇橄欖油便完成。
搵食新煮意 3月11日搵食新煮意|2. 牛肝菌意大利飯
3月11日搵食新煮意|2. 牛肝菌意大利飯(圖片來源:新假期資料庫)

圖片來源:新假期資料庫