搵食新煮意
搵食新煮意

黑椒蒜蓉蝦+香茅魚露炸雞翼+水蜜桃果凍|搵食新煮意 (新假期APP限定)

食譜

廣告

新假期全新欄目《搵食新煮意》,每日為你推介今日食乜好!除了提供不同菜式的食譜,讓你留在家中自煮,都可以輕鬆試盡各地佳餚滋味;更會為你推介近期值得一試的香港餐廳,在家煮以外亦有不少好選擇,留在香港都可以齊齊搵食!3月7日《搵食新煮意》:黑椒蒜蓉蝦+香茅魚露炸雞翼+水蜜桃果凍。

3月7日搵食新煮意:黑椒蒜蓉蝦+香茅魚露炸雞翼+水蜜桃果凍

1. 黑椒蒜蓉蝦

大蝦鮮甜啖啖肉,加上香味十足的黑椒和蒜蓉,味道自然更上一層樓。大家只需用數分鐘時間就能把大蝦煮熟,味道亦不會令人失望,是一碟性價比十足的菜式。大家不妨考慮今晚煮這碟菜,只需4個簡易步驟!

材料(四人份):

  • 大蝦 8隻
  • 牛油 20克
  • 黑椒 1茶匙
  • 蒜蓉 1湯匙
  • 海鹽 1/2茶匙

做法:

  1. 大蝦剪去蝦鬚,開邊,並去除蝦腸。
  2. 於平底鑊燒溶牛油,加入黑椒炒香。
  3. 加入大蝦及蒜蓉。煎香每一邊約1分鐘,最後灑上海鹽略煎即可。
  4. 串起大蝦上枱。
搵食新煮意 3月7日搵食新煮意|1. 黑椒蒜蓉蝦
3月7日搵食新煮意|1. 黑椒蒜蓉蝦(圖片來源:新假期資料庫)

2. 香茅魚露炸雞翼

雞翼可以說是最受香港人歡迎、同時可塑性很高的食材,煎、炸、蒸、烤、燜、滷、燒都非常美味。加上大多數的雞翼菜式,一般都較簡單、容易處理,深受煮人們歡迎。今日《搵食新煮意》第二道分享的,是一道充滿泰國風味的雞翼,啖啖充滿香茅的獨特檸檬香氣,酥脆香口,家常便飯或BBQ,都是零失敗的美味選擇。

材料:

  • 雞中翼(雪藏)5磅
  • 生粉(炸雞翼用)適量
  • 醃料
  • 香茅(白色莖部)450克
  • 蒜頭 60克
  • 乾葱頭 100克
  • 魚露 150毫升
  • 砂糖 40克

做法:

  1. 雞翼解凍,洗淨抺乾水份,用小刀在中間刺穿一刀,使其易於入味。
  2. 香茅、蒜頭、乾葱頭切碎, 分次放入石舂舂爛,然後分次放入小湯袋搾出汁液,與魚露及砂糖攪勻,至砂糖完全溶解。
  3. 放入雞翼撈勻,醃廿四小時,期間翻動數次,使其均勻入味。
  4. 鑊中燒熱油,將雞翼均勻撲上生粉,炸至金黃香脆即可享用。
搵食新煮意 3月7日搵食新煮意|2. 香茅魚露炸雞翼
3月7日搵食新煮意|2. 香茅魚露炸雞翼(圖片來源:新假期資料庫)

3. 水蜜桃果凍

水蜜桃果凍酸酸甜甜,清爽的味道,材料只要3樣,做法非常簡單。這個飯後甜品不用新鮮蜜桃,簡簡單單用罐頭水蜜桃便可。蜜桃果凍看落似有兩層,其實只用小技巧,就能做出漂亮裝飾!

材料:

  • 罐頭水蜜桃 1罐
  • 魚膠粉 5g
  • 砂糖 2湯匙
  • 清水 適量
  • 檸檬汁 1茶匙(可不下)

做法:

  1. 魚膠粉加入2湯匙清水攪勻,放入微波爐中火加熱30秒,取出稍微放涼。
  2. 罐頭桃取出桃肉切大粒,放入甜品樽中。
  3. 保留罐頭的果汁,加入清水至250mL,倒入小鍋中,加入砂糖,小火加熱攪拌至糖溶。加入魚膠粉水和檸檬汁攪勻後放涼。
  4. 將果汁倒入甜品樽中,剩下的果汁倒在小盤中。將甜品樽和小盤放入雪櫃中雪最少2小時至凝固。
  5. 取出小盤,用叉子搓碎果凍,放在甜品面作裝飾便成。
搵食新煮意 3月7日搵食新煮意|3. 水蜜桃果凍
3月7日搵食新煮意|3. 水蜜桃果凍(圖片來源:Missta。愛下廚授權)

圖片來源:新假期資料庫、Missta。愛下廚授權