X你個街 紅潮嚟嘅喂！
廣告
呢期個個衝去影有「藍眼淚」之稱的夜光藻，不但騷擾附近民居，而且為求拍攝效果，掟石仔落水刺激夜光藻發光，甚至燃點鋼絲絨玩light painting，破壞海洋生態。不過，影完相呃完like後，有幾多人知道夜光藻大量聚集其實就係紅潮（正式啲叫「藻華」），繼而關心香港海岸污染問題？
反而住在美國明尼蘇達州的Mary Taffe，見屋企附近的大石湖因為周邊農場的不當排污，導致紅潮不斷，發出惡臭，每遇上藻類大量繁殖，便向有關政府部門投訴。原本政府都係虛應甚至唔應，於是她用相機將紅潮拍成「印象派風格」作品，並由網媒刊登，得到不少迴響，結果在保育團體的努力下，成功向農場施加壓力，改善湖水水質。咩叫做呃like 呃得有意義？向Mary 學嘢啦！
延伸閱讀：摘星之樹
夜光藻知多啲
夜光藻（Noctiluca scintillans，又稱Sea Sparkle），是海藻的一種。它之所以會發光，源於體內螢光素和螢光素酶的化學反應，受外界刺激時（如海浪拍打）會發出螢光。由於受污染水域有豐富養分，助長它的繁殖，所以見到它即代表水質不佳。雖然它本身冇毒，但會產生阿摩尼亞，身體接觸後或會造成輕微刺激或敏感，所以觀賞時咪手多，由得它自然發光就好喇。
下頁：北上睇紅潮
嚮應6 8 9 呼籲北上睇紅潮
施政報告計劃資助中小學生到中國交流，其實想認識國情好簡單，望下中國水有幾「乾淨」就得！
延伸閱讀：農場邊。小事(1) 下雨天
