popcorn
popcorn

將軍澳商場「豬」意濃濃 一齊Pop住過新春

生活

廣告

(Presented by PopCorn)

過農曆新年都可以好潮好Pop好好玩,今個新春一於去將軍澳PopCorn過一個又Pop又開心嘅新春!想影巨型得意豬豬又得,想睇超高水準表演又得!馬上睇有咩精彩位,約埋至愛一齊去啦!

精彩位一:與八大「萌豬」合照 打卡場景任你影

今次新春裝置匯聚8款造型趣致、集十八般武藝於一身嘅可愛吉豬同大家拜年!當中最搶眼嘅一定係中庭中央球形建築之上嘅巨型「賀年豬」,成5米高,仲係戴住中式禮帽官仔骨骨添!梅花樁上面嘅「舞獅豬」、「功夫豬」,同5隻一團和氣嘅「桔桔豬」,全部都圓碌碌超可愛,鍾意打卡影相嘅朋友一定唔可以錯過!

活動:【吉豬拜年】賀年裝飾

日期:即日起至2月19日(星期二)

時間:中午12時至晚上10時

地點:PopCorn一期一樓中庭及地下顧客服務中心旁

精彩位二:眾裡尋PIG千百圖 同你嘅BB豬留倩影

另一個必玩活動一定係「眾裡尋PIG千百圖」!你可以同親朋好友透過動態照相館變身成「舞獅豬」、「財神豬」或「擊鼓豬」等賀年豬,一齊錄製賀年短片,send出去同人拜個潮年。

影完相錄埋片仲有咩做?當然係玩遊戲啦!拱形展館內有一幅3.6米闊、1.8米高嘅大型弧面熒光幕,你所拍低嘅得意豬樣會被投影到「眾裡尋PIG千百圖」,同一共38隻可愛小豬一齊於香港九大景點巡遊,要同你嘅朋友鬥快搵番自己同「豬」隊友,真係少啲眼力都唔得!

活動:【眾裡尋PIG千百圖】

日期:即日起至2月19日(星期二)

時間:中午12時至晚上10時

地點:PopCorn一期一樓中庭

精彩位三:「武術小天后」賀曦彤 賀歲表演

新春期間,賀歲表演一定少不了。今次有「武術小天后」、全港最年輕嘅世界青少年武術錦標賽金牌得主賀曦彤,聯同一家四口共三個世界冠軍首次喺商場表演,世界冠軍級爸爸賀敬德表演南拳、世界冠軍級媽媽羅雅菁表演八卦掌、弟弟表演初級拳術,而賀曦彤表演獲金牌嘅棍術,記得到時捧場!

活動:【世界武術冠軍家庭賀歲表演】

日期: 2019年1月27日(星期日)及2月2日(星期六)

時間:下午3時

地點:PopCorn一期一樓中庭

精彩位四:微型豬寶工作坊 一齊做手作仔

鍾意手作嘅朋友記得參加「微型豬寶工作坊 」,今次PopCorn邀請到微型藝術家李嘉蓮(Vivian Lee)教授利用黏土製作「賀年豬戒指」、「桔桔豬戒指」及「豬仔流沙包」,非常可愛得意,送畀BB豬一定最受落!

活動:【微型豬寶工作坊】

日期:2019年2月3日

時間:第一節:下午2時半至3時半 第二節:下午4時至5時

地點:PopCorn一期一樓中庭

報名:請留意PopCorn@TKO Facebook專頁