【四季適用】Philips全新3合1空氣清新機登場全球首創AI人工智能自動調節室內空氣

Jan 6 2023

出完街返到屋企想呼吸到潔淨嘅空氣，冬天又想享受暖笠笠嘅暖風、夏天有涼快嘅冷風，唔通要入手空氣清新機、暖爐、風扇三部機先可以滿足晒呢幾個願望？登登登登！Philips全新推出嘅Air Performer 3合1風扇暖風空氣清新機,一機就已經有齊晒冷暖風兼空氣淨化功能，佢更係全球首創嘅AI人工智能3合1空氣清新機，可以分析室外室內空氣質素、房間大小同使用模式去調節室內空氣，一年四季都啱用㗎！

全球首創AI人工智能分析空氣質素自動調節室內空氣

唔好以為全新推出嘅Philips Air Performer 3合1風扇暖風空氣清新機只係一部普通嘅空氣清新機，佢更係全球首創AI人工智能技術嘅3合1空氣清新機，唔單止可以分析室內室外空氣質素、房間大小同使用模式，繼而自動調節以最佳性能淨化屋企空氣；而AeraSense智能感測器仲可以實時監測空氣質素，不斷掃描空氣並於污染水平上升時即時作出反應，就好似有個智能管家幫大家監察住屋企空氣質素咁，令你時刻都可以享受到潔淨空氣。

6分鐘有效淨化100尺空間 3層過濾系統去除99.97%超微細粒子

Philips Air Performer 3合1風扇暖風空氣清新機設有3層過濾系統，除咗採用NanoProtect納米級防護HEPA濾網，更同時具備活性碳及前層濾網，有效去除99.97%小至0.003微米嘅超微細粒子*，無論係細菌、病毒、花粉、灰塵、寵物皮屑、塵蟎、異味等等嘅污染物通通都逃唔過Philips Air Performer，空氣潔淨效能更相較傳統 HEPA H13 過濾高達兩倍^。而且佢嘅潔淨空氣輸送率高達每小時270立方米，換言之即係只需6分鐘就可以有效淨化約100尺嘅空間，放喺客廳又或者係睡房都咁啱用！

冬日暖笠笠 3秒發熱陶瓷技術即時帶來溫暖

冬天最怕手腳冰凍，有部暖風機喺屋企就可以無時無刻都暖笠笠啦！Philips Air Performer 3合1風扇暖風空氣清新機採用陶瓷發熱技術，短短3秒就可以發熱，仲可以自訂溫度，最高可以去到37度㗎，咁就可以暖住咁度過冬日，新年招呼朋友嚟屋企亦唔使擔心會凍親人啦！

多角度環迴送風 10段風速任意選擇吹送冷暖風

有別於傳統風扇，Philips Air Performer 3合1風扇暖風空氣清新機嘅無扇葉設計唔會吹出陣風，而係持續吹送出高達每小時1579立方米嘅強大淨化冷暖風，再加上多角度環迴送風以及高機身設計，淨化氣流輕鬆就可以分佈每個角落。而無論係冷風定暖風，都有10段風速任你選擇，等你可以自訂最舒適嘅清涼感或暖意。

連接Air+應用程式即時監察空氣質素遙距控制更方便

想將Philips Air Performer 3合1空氣清新機嘅效能發揮至最大，咁就要Download埋Air+應用程式喇！大家可以透過Air+應用程式去實時追蹤室內室外嘅空氣質素，仲可以遙距控制空氣清新機同設定智能日程，咁就算身處街外都可以提早開定空氣清新機，一返到屋企就可以即時享受到淨化、舒適嘅空氣啦！