PayMe喺Group派利是可獲28元消費回贈* 仲有得俾朋友抽唔同利是金額

Jan 31 2022

虎年就到啦！今年PayMe可以派「群組利是」啦，以後唔使再逐個撳逐個派，真係慳水又慳力。只要每封派出嘅群組利是金額達港幣250元或以上，又有5個或以上嘅人成功收到你封利是嘅話，你仲可以獲得港幣28元消費回贈*，可以用喺2萬間接收PayMe付款嘅商戶^#！想好玩刺激啲？你仲可以set個總數，派利是畀親朋好友搶，每封利是嘅金額完全隨機，搶到幾大封就睇佢哋彩數啦！

用PayMe一次過派利是隨機金額搶利是更好玩

以往用PayMe派利是，要逐個撳逐個派。今年開始唔使咁麻煩啦，可以一次過派多封利是，仲可以加入你別出心裁嘅賀年祝福，一次過最多可以派畀100個人。

用法相當簡單，大家可以選擇在PayMe App內直接選擇收款人發送收款連結，亦可直接建立連結派群組利是。換言之，大家可以直接將連結Send出去親戚朋友嘅WhatsApp、Signal、Telegram群組，對方只需撳下條連結就可以直接收利是！如果選擇無指定收款人派發群組利是，最多可以一次過派共港幣10,000元。

PayMe派群組利是教學：

點按PayMe App中間嘅「P」圖案
點選「派群組利是」、
選擇「指定收款人」，即可選擇電話聯絡人作為利是指定收款人，再發送群組利是；或透過「無指定收款人」，即任何人都可透過此群組利是連結收取利是
選擇利是類別，並輸入利是數量和金額

在PayMe上可以派發的利是亦分為兩種，分別是「定額利是」和「開運利是」。

「定額利是」即大家最熟悉的定額利是，派出之前先設定好利是數量和每封利是的金額，每封利是最高金額為港幣200元。例如，大家可以設定派出3封利是，每封利是金額是港幣50元，每位朋友收到的利是金額為港幣50元，總金額為港幣150元。

如果你想大家新年開開心心，派「開運利是」就最好不過，Set好總數和利是數量，利是金額隨機派發。例如大家設定派出10封「開運利是」，總金額為港幣1,000元，每位朋友收利是時將會隨機抽出不同金額的利是。

除咗可以咁樣玩之外，用電子利是仲有個好處，就係可以派畀唔喺香港嘅親戚朋友，等大家無論去到邊都可以收到你嘅新年祝福！

5人或以上收利是即獲港幣28元消費回贈*

唔單止咁，用PayMe派完利是隨時仲有消費回贈送畀你！由即日起至2022年2月15日，如果你派嘅同一條群組利是連結總金額有港幣250元或以上，兼有5個或更多嘅人成功收取，你就可以拎到港幣28元消費回贈*。之後喺2萬間PayMe for Business嘅網上同實體商戶^#消費港幣50元或以上，PayMe就會將港幣28元消費回贈存入你嘅PayMe銀包！

呢2萬間商戶^#梗有一間喺左近，例如foodpanda、7-Eleven、萬寧、UNIQLO App、Don Don Donki等等！推廣期內，每位用戶最多可獲得一次獎賞。