MaBaLAND 九龍灣最新 兒童室內遊樂場! 最平$80任玩成日 |九龍灣好去處|
廣告
夏日炎炎，最驚就係屋企個小朋友拉你出去玩，唔係話唔想帶佢地出去…但係香港夏天咁熱，作為父母，要跟著有無限體力嘅小朋友跑嚟跑去，真係幾辛苦嫁！最近九龍灣有一間新開嘅兒童室內遊樂場－ MaBaLAND ，唔駛怕日曬雨淋，最平$80就可以玩成日，先唔講佢有得玩攀石、波波池同積木等等，就算真係入去涼冷氣都抵！
MaBaLAND 最平$80玩成日
如果有個室內場地可以比父母同小朋友嘆住冷氣，又玩到啲平時係公園玩唔到嘅野你話幾好呢？呢間新開嘅兒童室內遊樂場，最平$80就可以玩足9個鐘，場館內嘅設施十分多元化，由比較靜態嘅設施到郁手郁腳嘅設施都一應俱全！場內亦有一個Party Room，可以叫埋親朋戚友帶埋佢哋啲細路仔黎返個全日瘋狂Gathering！
注重衛生 玩得放心！
帶小朋友去兒童遊樂場玩，最擔心就係衛生問題，MaBaLAND就聘請咗專業人士消毒、清潔同殺菌，各位家長可以放心。
另一貼心細節 Warm到爆！
為左令到在場嘅小朋友都有置身於森林嘅感覺，場主做左個好細心嘅設計…
MaBaLAND 收費詳情
講左咁耐，終於嚟到大家最關心嘅環節：講錢！不過今次唔駛驚會傷感情，因為個價錢真係好吸引！星期一至四，全日任玩9個鐘，都只係$80，仲要包一位大人一位細路，真係超抵！而且場地會以手帶作識別，只要有手帶，可以無限次進出場地，出去食個飯再返嚟玩都無問題。
之前要去類似嘅室內兒童遊樂場，分分鐘要去到愉景灣，而家喺市區都有得玩，各位家長又多個選擇！
（以上圖片來源：MaBaLAND Hong Kong）
MaBaLAND
地址：九龍灣 得寶花園地下 TBG mall (牛下新城) T138舖（顯示地圖）
電話：3709 2004
營業時間：星期一至五：12:00nn-9:00PM
星期六日及公眾假期：11:00am-9:00pm
官方網站：http://www.mabaland.com/
注意事項：
1. 入場高度限制：兒童130cm或以下
2. 除了派對專區外, 請勿攜帶任何食品及飲品進入本場。除了嬰兒飲用奶、水、藥物或其他已預先獲得Mabaland職員批准的食品或飲料。
3. 請盡量避免帶嬰兒車，尤其是在週末及公眾假期。
