漫步白花魚藤+紅石陣！《Lonely Planet》推介 荔枝窩 步道！

撰文：新假期 本地玩組

荔枝窩 必睇3大絕景

平時日日喺市中心吸廢氣，搞到唔少香港人都有鼻敏感、氣管過敏等都市病，想舒緩問題唔一定要食藥，親親大自然都有同樣效果！ 荔枝窩 背山面海，後有一大片翠綠山林、前有蔚藍海岸，一場來到，點都要吸多幾啖清新空氣啦！

1.全港獨有白花魚藤樹林

荔枝窩 村外圍仲有一個個風水林，裡面植物品種超過100種，入去行一圈，自然可以帶住滿身旺氣回家。行完一圈仲未夠喉？咁記得去埋全港獨有的千年白花魚藤樹林，細賞漫天藤枝的壯麗景觀，感覺有如深入原野探險，so wild！

2.東北地域獨有紅石陣

很久很久以前，火山爆髮後是長約2,000萬年的侵蝕風化期，形成遍布印洲塘、八仙嶺、赤洲一帶的沉積岩層。三桠村多爲泥岩（ 沉積岩一種）。紅岩上的蜂窩和水紋，還有不同層次的沉積岩，每個石頭背後，都見證了這片海岸昔日髮生過的火山活動！

荔枝窩村外的紅石陣，沿著自然步道，約10分鐘就可以觀賞到。

3.荔枝窩古村　客家小房子與魚塘

荔枝窩村的原居民，兩年前和港大嘉道理研究所、香港鄉郊基金、綠田園基金及長春社，開展「 永續荔枝窩 」計劃。每逢有船載旅客入村，就會辦導賞團，帶大家來到這間凝在60年代的老祖屋，彷彿耳邊響起《 我等著你回來 》的留聲機歌聲，牆上還掛著沙頭角糧油老字號「 逸生昌 」的月份牌，香港製造的圓鏡子、 火水燈，還有陳寶珠「 工廠妹萬歲 」年代的保溫飯壺，簡直時光倒流50年。

樓下用作採光用的氣窗。
客家婦女百事忙，邊推搖籃邊做農務。

月份牌已滿布鐵鏽。

幼兒專用凳仔。

玩完導賞，仲可以即日試下「 有記 」的即叫即整傳統客家菜，沿用古法炮製的秘方，大家來到不妨一試。

客家鹹雞 $160/原隻 $80/半隻
雞肉結實，鹹味適中，配飯最夾。

荔枝窩村仍然用山水，豆腐花滑身，食完一碗真係唔夠喉。

豬肉用了豬腩肉，配上木 耳、豆腐卜，食落豬腩好滑，有陳皮味，味道幾特別。

荔枝窩有記
地址:荔枝窩村慶春約七村廣場（顯示地圖）
電話:9230 6824
營業時間:周日及公眾假期備註:可預訂盤菜，每盤$850-1,050;也可訂其他客家菜，如炆鴨、海鮮等。

荔枝窩　3個前往路線

1.最輕鬆水路

荔枝窩村民今年成功爭取的街渡，只在紅日開船，由馬料水出發，欣賞著沿途的小島和奇石。

行駛時間：逢星期日、公眾假期
開船時間：9am （馬料水三號碼頭開出）
回程時間：3：30pm（荔枝窩碼頭開出）
船費：來回＄80、單程＄50
訂座電話：2555 9269

紅日只有一班船來回，錯過咗說要等下一個紅日了。

2. 輕鬆行睇埋紅石陣

由烏蛟騰經三椏村前往，全程約1.5小時，沿途可見東北地域獨有的紅色岩層，以及穿越山谷後的迷人內灣，三椏村更有士多可作補及，買支水繼續上路！

由於石質含鐵量高，東北地域不少地方都可以見到紅色的石頭。

3. 行山友路線

由鹿頸經谷埔前往，路程約3小時，適合有行山經驗人士。