CRAFTHOLIC 奸夫進擊銅鑼灣!! 8大必掃可愛小物 |銅鑼灣好去處|
大受歡迎的宇宙星人 CRAFTHOLIC 奸夫，今個萬聖節會以全新造型，出現於銅鑼灣同大家見面！4隻大大隻的奸夫，把太空基地帶到來香港，除了影相打卡，更有超多精美限定公仔出售，粉絲們記得準備充足銀彈！記者Mandy今日去視察過，不停高呼「好得意呀～～～～～」，女孩子萬勿錯過！
撰文：Mandy｜攝影：KwanYiu
CRAFTHOLIC 奸夫進擊銅鑼灣
向來迷倒不少少女的奸夫 CRAFTHOLIC，今次來到銅鑼灣陪大家過萬聖節，有4大隻奸夫駐場，又有得免費印相、夾公仔，更有期間限定店，出售超多可愛奸夫小物，實在令人心心眼！
一次過見晒4位奸夫
雖然不少女孩子都非常喜歡奸夫，但卻未必人人都知道他們的名字。今次4位主角：KORAT、LORIS、RAB以及SLOTH就分別換上萬聖節裝束，與大家見面！
打卡即可免費印相
影奸夫們合照後，少不免要放到Facebook、IG放閃，只要把合照上載至Instagram，並加上指定hashtag，就可以免費印相，留為紀念。
奸夫夾公仔機
除了合照，現場亦有超吸引的夾公仔機！入面有不同的鎖匙扣、萬用袋、證件套等等，只要於商場內以電子貨幣消費滿$200，即可有5次機會，不過要留意，此遊戲只在星期四至日開放，祝各位好運！
8大必掃可愛小物
機會難得，粉絲們又點可以錯過這些精美商品？今次的精品亦毛公仔為主，不過為免大家嫌悶，今次記者就精選了公仔以外的8件可愛小物！
1. 雙色原子筆
2. 記事簿
3. 文件夾
4. 暖水壺
5. 杯
6. 披肩
7. 獨家香港限定萬聖節公仔
8. 星空宇宙頸枕
於商場即日消費滿$600，就可以換領這個頸枕，隨時隨地都可以舒舒服服咁瞓！
***以上產品價錢待定
