公眾燒烤場
公眾燒烤場

嚴選香港5個靚景 公眾燒烤場 !!! 今個周末 BBQ ~~

生活

廣告

暑假想同一大班朋友去主題樂園輕鬆下,但每次去到都人山人海,幾乎所有遊戲都要入去排隊,都咪話唔掃興!如果唔想同人迫,又想享受下大自然,BBQ似乎是另一個好選擇!

一講到BBQ地方,紅梅谷、清水灣同西貢都是大家首選。其實係市區附近都有質素不錯的燒烤場,這次為大家走遍港九新界,挑選出5個風評不錯的燒烤場同最近的街市,趁未被自由行發揚光大,等大家週末時可以一家大細/朋友輕鬆hea下!

撰文:Fitzhk、Timo | 圖片:互聯網

嚴選5個靚景+方便買料 公眾燒烤場 !今個周末 BBQ !

港島篇

精選1:石澳泳灘+筲箕灣街市

石澳出名風景好,望住個海燒野食咪話唔正!連CNN travel都開名讚過,但唔使錢既公家爐只有39個,所以要睇靚景就要早小小入去啦!霸唔到爐或者懶得搞唔緊要,海灘附近亦有幾間私人燒烤場,價錢由齋爐$200加$88炭,到$200任食都有!

眾所周知石澳買野食是天價,當然是臨去時到其他地方購買,位於東大街的筲箕灣街市係巴士站附近,買定野食入去既方便又快捷!

石澳泳灘

地點:石澳石澳道(顯示地圖
前往方法(從筲箕灣):乘坐新巴9號線,於終站(石澳總站)下車

筲箕灣街市

地點:筲箕灣東大街153號(顯示地圖
營業時間:6am-8pm
電話:2560 1040

精選2:深水灣泳灘+香港仔街市

住南區嘅朋友仔除咗石澳之外,深水灣亦是不錯的選擇!雖然交通方便,但人數卻比石澳來得少。設施和石澳相比差不多,但想容易霸位,同時要有恬靜嘅環境燒烤的話,深水灣會比石澳好!

而最近深水灣的街市,就是香港仔街市。要數最具特色的莫過於內裡的海鮮檔,價錢合理又多選擇,海鮮控有褔了!

 

 

深水灣泳灘

地點:深水灣香島道(顯示地圖
前往方法(從香港仔):乘坐小巴52,於「深水灣泳灘」下車
城巴73號線,於「深水灣」下車

香港仔街市

地點:香港仔大道203號(顯示地圖
營業時間:6am-8pm
電話:2555 8973

九龍篇

精選3:獅子山公園+大成街街市

講起九龍既燒烤場真係5隻手指都數得晒!最近市區嘅獅子山公園算係表表者,呢個唔係紅梅谷果邊果個,而是竹園附近果個,完全符合「要近市區,又少人去」兩個要求。爐位只有26個不算太多,但相比其他熱門地方,霸到爐機會大得多。住係九龍/黃大仙附近不妨考慮下!

街市方面,就近的街市有兩個-樂富街市和大成街街市。兩個街市相比的話,大成街街市以平價和多海鮮出名略勝一籌。交通方面除咗搭巴士,的士嘅話都只是「跳2下錶」30蚊有找,多人搭更著數!

 

 

 

獅子山公園

地點:黃大仙竹園道55號(顯示地圖
前往方法(從大成街街市):步行至黃大仙中心,乘坐九巴211號線,於天宏苑下車
電話:2337 4648

大成街街市

地點:黃大仙彩虹道121號(顯示地圖
營業時間:6am-8pm
電話:2997 8003

新界篇

精選4:城門郊野公園燒烤區/釣魚灣泳灘+楊屋道街市

多謝「山林道」的取景,令更多人發掘到城門水塘這個地方。除了出名的白千層外,城門燒烤區亦是不可錯過的地方。淨係燒烤區已經有19個,霸爐不會再是煩惱,下小巴後轉右走約20分鐘便會到達。荃灣區除了城門郊野公園外,釣魚灣泳灘亦屬不俗。雖然以泳灘為主,只有7個爐頭,但平時並未經常「滿座」,這算是一個賣點吧!

而楊屋道街市貴為「香港版築地」,海鮮絕對是生招牌,有機蔬菜同時亦是街市最出名的,買到靚料去BBQ,人都開心啲!

 

城門郊野公園燒烤區

地點:城門道城門水塘(顯示地圖
前往方法(從楊屋道街市):步行至川龍街,乘坐小巴82號線,於菠蘿壩下車

釣魚灣泳灘

地點:青山公路13咪(顯示地圖
前往方法(從楊屋道街市):步行4分鐘至如心廣場巴士總站,乘搭96號小巴,至馬灣碼頭下車,再步行1分鐘到

楊屋道街市

地點:荃灣楊屋道37-55號(顯示地圖
營業時間:6am-8pm
電話:2415 4429

精選5:大美督燒烤場+大埔墟街市

相信其實為數不少的人都知道大美督出名踩單車和燒烤,大家差不多都選擇大美督的私人燒烤場,是免了預備食材的部分而變得吸引,但公共燒烤區始終有它的優勢-就是吐露港靚景!邊吃東西邊看著外面的海景,絕不是其他部分私人燒烤場能做到的!

大埔墟街市除咗出名熟食外,更出名買餸貴!你可能問「點解貴仲講出黎?」,除咗一樣,佢比全港其他街市都平,就是魚!如果BBQ每次都食魚嘅你,呢度會令你瘋狂咁買!

 

大美督燒烤場

地點:大埔大美督路(顯示地圖
前往方法:於大埔墟火車站旁、巴士及小巴總站,可乘搭小巴20C或巴士75K前往
電話:3183 9020

大埔墟街市

地點:大埔鄉事會街8號大埔綜合大樓地下、一樓及二樓(顯示地圖
營業時間:6am-8pm
電話:3183 9180

延伸閱讀:
鬧市BBQ場 罕有煙花景! 4個半鐘任飲任燒