April Fool‘s Dating Party等緊你！

衝「特」料理撞出美味關係！

講到「衝特料理」，你會諗起啲咩？其實唔同嘅味道，就好似人嘅性格一樣，有啲相沖，有啲互補。有時兩種睇落完全唔夾嘅食材，當煮埋一齊，反而會誕生出意想不到嘅美味。人與人之間嘅關係都係一樣，兩個性格截然不同嘅人，走埋一齊可能先會擦出最精彩嘅火花，產生一種名為「衝特」嘅化學反應。
活動當日，大家唔單止可以體驗到由Dough Bros為今次活動特製嘅「衝特料理」，更可以透過美食，發掘人與人之間嘅奇妙化學作用。

互動遊戲贏取驚喜獎品

活動當日將會有有獎互動遊戲環節，讓大家喺歡笑聲中輕鬆地拉近彼此距離。我哋希望提供一個平台，玩吓小遊戲品嘗吓美食，俾一眾參加者可以放低平時返工返學嘅勞累，輕輕鬆鬆擴闊社交圈子，話唔定仲可以喺愚人節告別單身𠻹！

神祕嘉賓隆重登場

布丁加上豉油同芥末，竟然帶出海膽般嘅驚喜風味！講到「衝特料理」，就一定要提到今次活動嘅特邀嘉賓- 裕美。人稱「布丁主理人」嘅佢，最擅長將布丁融入各種離奇配搭，炮製出意想不到嘅創新料理。如果大家想同佢取經，學吓點樣玩出新滋味，就一定要嚟參加我哋嘅派對啦！

準備好喺愚人節「愚」上一個不一樣嘅故事未呢？名額有限，立即報名參加，體驗「衝特料理」嘅樂趣啦！

新假期 X Dough Bros”Fool’s Dating Party” 活動詳情：
活動日期：2026年4月1日 (星期三)
活動時間：下午2時30分至4時

活動地點：長沙灣東京街28號瑜悦地下G01號舖 (Dough Bros長沙灣分店)
對象：20-35歲男女
名額：30人
費用：$200/位（費用已包括「衝特料理」、主食、小食及飲品）