Draw你eyeball說借貸 – 醒你5個借貸貼士 @Miss Sunny

(Presented by HKMA)

1│同時申請多張信用卡　可能會「劃花」信貸紀錄

唔講唔知，原來同一時間申請幾張信用卡，可能會意味申請人對信貸有急切需要，而且財務狀況可能好緊絀，變相有機會對你嘅信貸評分造成負面影響。咪輕視信貸紀錄嘅重要性，一旦信貸紀錄花咗，當你之後要申請貸款，或者想再申請新卡嗰陣，都會受到影響，所以開卡之前一定要考慮清楚係咪真正需要！

2│遲還款要罰息唔Jetso 　

人人都話要精明消費，相信都冇人想因為遲找卡數或遲還貸款而畀人罰息。正所謂有借有還先算係上等人，確保每月準時全數還款，就唔使心掛掛啦！

3│忌做Min Pay「卡奴」

正所謂「小數怕長計」，個個月只還Min Pay聽落幾筍，但「利疊利」之下，會造成雪球效應！利息不單止以倍數計，還清卡數真係要還到頸都長！

4│絕不能偷懶唔睇！條款細節及收費

用任何服務，都要睇清楚收費及條款。比較唔同信用卡或者貸款計劃嗰陣，要用「實際年利率」去比較。呢個指標反映利息同收費嘅總數，所以，見到有關貸款產品「零利息」或「全期免息」嘅廣告字眼，咪以為借貸唔使成本。

5│調低信用額　避免過度消費　

有幾張信用卡喺手，又真係未必需要張張咁高信用額，分分鐘唔覺意使大咗都唔知！如果認為信用額過高，可以要求銀行調低，亦可考慮拒絕接受「超出信用額信貸安排」，精明管理信用卡，亦都係個人理財重要一環！

想知更多？可以去：www.hkma.gov.hk/personalcredit