星座面相
星座面相

專家教睇 星座面相 真Connect上司有樣睇!

生活

廣告

香港新一任特首快將誕生,「We Connect」又好,「曾Connect」都好,都唔到你同我揀。但如果有日你聽到上司宣稱同自己「拍住上」,係咪又信得過?作為普通打工仔,真係要了解一下邊款上司最願意同人心連心,就由我哋一齊揭開「真Connect」 的 星座面相 特徵!

撰文:麻瓜鄧

麥玲玲教路:面相「真Connect」 4大特徵

麥玲玲 profile
屬馬的水瓶座,自小口齒伶俐、舉一反三;「我的志願」是上電視講12生肖,廿年前夢想成真,如今微博的粉絲超過香港總人口。

「無論上司定下屬,要成功同其他人connect,好睇人際關係同溝通能力。我成日都話,如果女仔只得一筆錢又想整靚自己,乜都唔好整,先去睇下係咪要箍牙。牙齒除咗同溝通有關,亦影響夫運;即使天生歪斜,但後天箍好啲牙,對自己嘅人際關係同夫運亦會略有幫助。」

 

 

 

 

  1. 眉毛看耐性:願意聆聽別人者,眉形大多清秀,眉毛順生而不會豎起;相反,如果兩眉粗濃又有豎起之勢,狀似「 將軍眉 」者,做事雖有氣概,但就沒太多耐性聆聽別人的故事了。
  2. 眼神忌閃縮: 眼小者為人較自我,如果眼神還要閃閃縮縮,更不會照顧其他人的需要。所以肯真心幫助別人者,眼睛一般也不會太小,而且眼神必須正,心性才會正直。

  3. 嘴形看溝通:良好的溝通能力一定要看嘴,嘴形端正、 線條分明是基本條件,嘴角向上稍翹更佳,有利與別人接觸。另外嘴唇也不宜太薄,唇厚重感情,唇薄說話技巧好,但未必真心。
  4. 牙齊可信賴:溝通也很需要信任,牙齒歪斜者好爭拗,甚至說話不盡不實;牙齒整齊者有根有據才表達意見,相對值得信任。如果笑起來會露牙肉,則要慎防不小心洩露了別人的秘密。

 

俠女卜卜嬋教路:3大真心星座

俠女卜卜嬋 profile
阿嬋的外衣、霍金的心智,鼓吹科學地 看星座。2015 起於大小市集及電台節目中出沒講占星。願望是人人都知道自己的上升星座 。
facebook俠女卜卜嬋 astroosim

「一定有人認為XXX 都係呢個星座,但佢一啲都唔『真Connect 』喎﹗ 其實星座特質都有分光明面同黑暗面,如果係正向發展,就會容易顯露到長處。而且又要睇佢真心想connect 的對象係邊個,如果只流於枱面上的connect,就未必有具體後續行動。」

第1位:雙魚座–情感雷達王

雙魚座天生有個強烈的情感雷達,同理心為12星座之首,經常想拯救別人,下下玩真心。

  • 悲天憫人,容易替別人的遭遇感到難過。
  • 感應力很強,從言行舉止與氣息已察覺到對方的需要。
  • 最好轉化能量做些實際的事,才可避免過度情感沉淪。

 

第2位:天秤座–協調最重要

天秤座天性似外交家,喜歡聯繫不同聲音及價值觀,關鍵時刻可以凝聚大眾,發揮影響力。

  • 維持萬物平衡是其本性,最愛促進團體的和諧。
  • 容易察覺弱勢社群的需要,希望人人都有機會發聲。
  • 願意真心溝通及扶助被打壓者,但有機會言詞多於實際行動。

第3位:處女座–為對象服務

處女座是看對象而付出,能了解別人的實際需要;為求使命必達,有時更不惜放低身段。

  • 細眉細眼又有奉獻之心,特別適合從事醫護行業。
  • 服務他人會令自我感覺良好,尤其願意滿足上司的要求。
  • 但別人看不到自己的努力時便會心酸,碎碎唸的一面就跑出來。

 

上升星座都關事!
假如你的月亮或上升星座是雙魚、天秤或處女,皆可參考以上的分析。要查知太陽星座以外的詳細星盤,可瀏覽「占星之門」 astrodoor.cc/horoscope.jsp (須 有 準 確 出 生 時 間)。

 

延伸閱讀:日本12星座 最新分析圖?一圖綜合出各人性格!

最新吃喝玩樂資訊