【周末好去處】香港潑水節2018 九龍城移師荔枝角一連三日泰式市集+小食+泰服體驗+睇泰拳

Apr 4 2018

天下間有什麼人，會不怕「濕_晒，唔_驚」，當然是九龍城潑水節的參加者啦。因為每年潑水節都吸引過萬人湧到九龍城參加，早年更有人開心到淋濕警察都無懼被告襲警，人人濕到勁high。今年的潑水節相當特別，為免大家玩得太放及確保安全，將移師荔枝角並封街舉行。而且更一連三天，有泰國市集、小食，泰服體驗、睇泰拳，更有泰國小姐選美比賽！

撰文：Keith ｜圖片：有關機構

九龍城潑水節轉場封街任你玩

九龍城潑水節是居港泰國人的慶祝活動，數年前由一班港生港長的泰二代引入，希望推廣泰國新年及文化。而活動每年更吸引不少貪玩港人參加，次次都有過萬人湧到九龍城潑水，人人玩到癲，上兩年更有人「圍攻」警察，連阿sir都「濕_晒」，不過人人咁開心「唔_驚」啦！由於活動人數年年激增、九龍城當區又有大規模鐵路工程進行，為保安全及減輕影響，今年將移師荔枝角進行，到時更會封了一條街讓大家大玩特玩！

一連三日泰式市集+小食+巡遊+選美+泰拳

除了潑水節當日，今年亦跟隨泰國傳統，一連三日都有活動慶祝。荔枝角的D2 Place商場內會配合潑水節，舉行泰式市集，擺賣泰式小食、工藝品、按摩、泰服穿著體驗。而活動期間，亦有泰拳 表演、浴佛、泰國Fashion Show、泰式選美、潑水節巡遊系列活動，多到好似玩唔晒咁。今個周末，記者我都好想「濕_晒」呀！

香港潑水節2018地點：荔枝角D2 Place
日期：6-8/4
查詢：http://www.d2place.com/happenings/2018/songkranhk

關鍵詞

荔枝角 D2 Place 潑水節