隱世沙灘
隱世沙灘

夏天去海邊! 6個「人少少」 隱世沙灘 推介!

生活

廣告

正所謂「每到夏天我要去海邊」,天氣開始熱太陽又咁猛,唔去海邊仲等幾時?不過香港地周圍都係人,要避開人潮、靜靜地曬太陽都唔容易,今次就介紹返6個人少少嘅 隱世沙灘 ,雖然花多咗交通時間,但係可以享受吓遠離煩囂嘅感覺。

 

6大 隱世沙灘 推介

1. 明星避世之選 西貢三星灣

位於西貢嘅三星灣,水清沙幼,可以清楚望到海底,環境唔算大但係勝在人少,所以都成為唔少明星避開人潮曬太陽之選。

歌手何韻詩早幾年就曾經喺呢度舉行過生日會,而筆者亦曾經見過疑似陳奕迅出現喺三星灣。

交通:於白沙灣碼頭乘搭街渡前往(顯示地圖

 

2. 郊遊之選 西貢大浪西灣

同樣位於西貢嘅大浪西灣,由西灣亭行入去大約需時45分鐘,路程簡單易行,沙灘附近仲有士多、餐廳,不過定價就比市面貴喇。

Uncle white(@bongjai)張貼的相片 張貼

行入少少,仲可以去埋四疊潭,有唔少外國人都鍾意嚟呢度,不過就唔建議大家跳水喇,始終存在一定風險。

Kimi Ng @RAYE.HK(@kimishares)張貼的相片 張貼

 

連周柏豪都喺度拍過MV!

交通:於西貢乘坐的士到西灣亭(約$100),再步行約45分鐘(顯示地圖

 

3. 船P勝地 西貢浪茄灣

西貢真係好多靚沙灘,浪茄除咗係露營勝地之外,浪茄灣亦都係個人少少嘅靚沙灘。由東壩出發,行到浪茄灣大約45分鐘,沿途風景宜人,影相一流!

 

chinzy✨(@___christy)張貼的相片 張貼

交通:於西貢乘坐的士到東壩(約$100),再步行約45分鐘(顯示地圖

4. 影靚相最啱 亞公灣

亞公灣入口處被林木遮蔽,由碧濤花園旁邊樓梯,步行5分鐘就到。亞公灣係牛尾海內灣,雖然沙灘唔大未必適合曬太陽,但係就非常適合影靚相,而且位置向東,係理想睇日出地方。

交通:於坑口乘坐11號小巴前往坑口道迴旋處,再步行約30分鐘(顯示地圖

5. 南丫島蘆鬚城泳灘

除咗西貢,離島亦係另一個選擇,南丫島嘅蘆鬚城泳灘,距離碼頭比較遠,由碼頭出發,要花40分鐘以上先會行到,所以比較少人,而且向住西面,曬完太陽仲可以睇埋日落添。

Ason(@ason325)張貼的相片 張貼


交通:於中環4號碼頭乘坐前往南丫島的渡輪,再步行約40分鐘(顯示地圖

6. 大嶼山上長沙泳灘

長沙泳灘係香港最長嘅海灘,全長3公里,分為上長沙同下長沙泳灘,水清沙幼而且人少,可以靜靜哋聽下海浪聲、睇住書咁曬太陽。

 

Yau Leo(@leoyau123)張貼的相片 張貼


交通:從梅窩碼頭乘坐1號、2號、4號或A35號巴士前往長沙村(顯示地圖