藍精靈進擊海港城@新活時報Miss Sunny
記唔記得晒「藍精靈．十分勁！」村莊嘅美芝、嚕囌王、論盡仔、畫家啲名？今個暑假海港城帶晒佢地嚟尖沙咀～今次係一個亞洲巡迴藝術展覽，第一站就喺海港城舉行，咁到底除咗大型擺設，仲有乜嘢搞作呢？
海運大廈露天廣場 重現藍精靈村莊
如題呀，露天廣場會變身成為巨型藍精靈村莊，身高4米嘅藍精靈同8個漫畫經典場景，亦會出現喺港威商場，連原作者Peyo嘅36幅珍貴原稿，都會喺呢度全球首次公開展出！
參觀6米高精靈屋
當大家走入藍精靈嘅世界，除咗可以同35隻1米高的藍精靈（包括美芝、嚕囌王、論盡仔、畫家等）影相，仲有機會參觀成個村莊入面最高嘅建築物，6米高巨型精靈屋！到時，精靈爸爸會喺屋入面教大家藍精靈嘅魔法咒語，一齊玩互動遊戲。
「藍精靈．十分勁！」村莊
日期：2016年7月14日至8月21日
時間：10am至10pm
地點：海運大廈露天廣場
絕密原稿 全球首次曝光
同時間，喺「海港城．美術館」會設立「藍精靈故事館」，介紹藍精靈之父──被譽為天才故事家Peyo嘅生平，重會重現藍精靈嘅誕生地──Peyo工作室，全球首次亮相嘅36幅Peyo珍貴原稿就係喺呢度喇～Peyo親手繪製嘅藍精靈漫畫繪本、插畫、創作手稿以至藍精靈首登熒幕嘅初版電影膠片都有得睇！
藍精靈故事館
日期：2016年7月13日至8月21日
時間：11am至10pm
地點：「海港城．美術館」（海洋中心二階207號舖－Jean Paul Hévin對面）
期間限定店 必搶特別版figure
我Miss Sunny介紹得，又點會得個睇字？港威商場地下大堂I都會特別開設藍精靈期間限定店，粉絲可以選購多款從未喺香港發售、來自日本同歐洲嘅家居精品、香港限定版T-shirt，當然唔少得為今次巡迴藝術展香港站度身訂造嘅藍精靈珍藏商品啦！仲可以用銀聯卡搶購以下精選items：
．全球限量30隻、用最頂級316L黑鋼物料、以古老烘培「失蠟法」鑄成嘅「1：1純黑鋼藍精靈figure」
藍精靈期間限定店
日期：2016年7月13日至8月21日
時間：10am至10pm
地點：港威商場大堂I
藍精靈主題美食
呢次盛事海港城嘅餐廳都參與，特別推出好多用「藍精靈」做主題嘅美食同飲品，好似藍精靈主題下午茶、夏日特色飲品、甜品、限定版馬卡龍同曲奇呢啲，視覺味覺雙重享受，正啊。
7月份用銀聯卡去niji bistro試下藍精靈特飲，簽賬滿指定金額，仲送L’OCCITANE HK$50現金券！
本地微型藝術大師展現藍精靈1:1漫畫場景
兩位本地微型藝術大師Tony Lai同Maggie Chan，根據8個藍精靈1:1漫畫場景入面嘅重要元素創作立體模型，仲會為模型加入唔同嘅視覺效果，與別不同㗎。
藍精靈漫畫創意模型展
日期：2016年7月13日至8月21日
時間：10am至10pm
地點：港威商場地下長廊
仲有著數 唔好走寶
我知由7月1至8月31號，用銀聯卡喺海港城消費，喺有勁！多！著！數～但我唔直接介紹，用例子答你，例如第一樣叫做「商戶圈獎賞之旅」，個concept就係幫襯完A舖，可以去B舖拎埋著數：
即係話7月你可以用銀聯卡喺GigaSports買完波鞋，賺到海南少爺嘅現金券，用嚟食個飯之後，簽賬淨值滿HK$500又得到Facesss現金券，如此類推，你點都有著數，每日最高可以拎到HK$750現金券，到8月又會有另一個「商戶圈獎賞之旅」！
另外，當你喺海港城任何一間舖頭簽夠HK$1,000，仲可以免費獲贈傳說中嘅「海港城手提包」1個；喺Facesss簽夠HK$3,000，除咗得到「商戶圈獎賞之旅」嗰張coupon同「海港城手提包」，會有多1張Facesss HK$100現金券，抵上加抵～而且有銀聯優惠嘅商戶點止咁少？多達60個消費優惠等緊你！所以到時去探藍精靈，記住帶埋張銀聯卡喇～
優惠受條款及細則約束。推廣活動詳情可瀏覽：http://www.unionpayintl.com/hk/hkserviceCenter/hkserviceCenter_qqyw/hk_qqth/hk_qqth_xgam/index.shtml
