翹腳
翹腳

翹腳 ~ 搞到面腫腫! 每日30秒身體操 瘦面無難度!

生活

廣告

平日都聽唔少 翹腳 帶嚟好多壞處,腰痛、背痛、脊柱變形等,但都係無減 翹腳 陋習,一坐低就把持唔住。可惜,大家都係針唔到肉唔知痛,一日feel唔到條腰有咩唔妥,都係會習慣性 翹腳 。不過,尋常事認真做嘅日本人,發現翹腳長遠令骨盆歪斜之餘,原來短期會令到塊臉水腫!唔想繼續做麵包超人,可能就要留意下自己日常生活嘅小動作,尤其成日坐嘅同志,一個唔覺意,可能全日都 翹腳 坐,唔怪得塊臉減極都唔瘦。

想減臉嘅女孩子,唔好以為係自己塊臉長肉,分分鐘係你成日翹腳所致,所以不斷節食都冇用。由於翹腳令到骨盆不正,導致脊柱歪斜,搞到頸都斜埋,最後令到塊臉嘅血液循環唔好就會水腫。日本就有個節目教大家,透過一set簡單動作教正骨盆,以後唔使再靠打陰影/用長髮遮臉。

超凡、頂級、簡單!瘦面 神功!

1. 將兩隻腳趾公並列,內八企法

2. 掌心向上,兩隻手指尾並列

3. 手伸直,慢慢舉上頭頂,維持30秒

4. 慢慢放低雙手,每日做一set 30秒就得!

榮倉奈々 – 咩來頭?

榮倉奈々咁靚女,一睇就知護膚日子有功。佢係日本女演員兼model,唔俾啲心機保養下,好易被淘汰㗎嘛。話明世上沒有醜女人,只有懶女人。為咗靚,真係每分每秒都要諗清楚自己做緊咩,原本又有邊個知翹腳會臉大?走甜美路線嘅榮倉奈々,2007年出演《求婚大作戰》後成名,仲為日本時裝雜誌當過專屬模特兒,深得宅男少女歡迎。

上堂時間!翹腳與水腫關係!

水腫與肥胖好唔同㗎!如果想測試自己究竟係水腫定肥,不妨用隻手指按壓一下皮膚,若果係水腫,白色印就會遲遲未散,及凹陷位置會較慢恢復原貌。

大家要知道,翹腳除咗令到面腫,亦都會令到小腿變腫。由於長時間將一隻腳壓喺另一隻腳上面,會令到下身嘅靜脈回流受阻礙,導致體液一直困係下身。翹腳百害而無一利,影響外觀之餘,長時間令到脊柱移位就會周身痛,都係快啲戒咗佢。

體操點解WORK?!

節目就話,呢set體操可以令骨盆恢復原位,只要將源頭問題糾正,其他問題自然應刃而解。每日做一set確實簡單又容易,望住呢位咁可愛嘅人兄,的確會增強我奮鬥嘅意志同決心。美女們,俾心機呀!齊齊向人生勝利組進發。

最新吃喝玩樂資訊