新年年貨大盤點 網購優質家品 多買多折 天貓一站掃齊 全家都有份@Jetso文
有冇發覺自己愈來愈少出街shopping？梗係喇﹗網購 咁方便，又多選擇，隨時睇啱，喺屋企撳幾個掣，乜都買到，慳返唔少車費同腳骨力。如果你好似我咁醒，揀啱時間先去買，隨時執到平嘢𠻹！好似就快過新年，屋企要開始準備大掃除，送舊迎新，係時候可以添置新嘅傢俬家電，又或者購買新嘅家庭用品。我就留意到天貓開始推出優惠。天貓係數一數二嘅網購平台，產品種類夠多，依家再送你購物優惠，今次仲唔大買特買？
網購 家品 買滿$300減$40
今次天貓減價嘅幅度，個個商品種類都唔同，一啲買滿$300就減$40；一啲買滿$600就減$30，買得多減得多。而家等我同你分享吓，我心水嘅8大best buy喇！新年要外出拜年，執返個靚仔樣是必須的。我就睇中咗飛科電動剃鬚刀，港紙二百有找，可以用USB座充電，有一個鐘快叉設計，去旅行最方便。又可以濕水洗，清潔簡單。三頭貼面，有咗佢，就可以青靚白淨過新年喇！買！我另外又睇中咗把遮，3D納米拒水，十條鋼骨，大風都唔使驚，最緊要輕身，三縮設計，遮仔細細，但打開直徑有113cm，遮兩個人，絕對冇問題。
屋企地方細 收納考智慧
過年咁多親戚來拜年，屋企亂糟糟好失禮。係時候執吓屋。天貓有好多收納箱、收納架，咩形狀間隔都有，三十零蚊到百幾蚊就有交易。我老婆就諗住訂幾個放喺梳妝枱，用嚟擺化妝掃、唇膏、小飾物咁。整齊乾淨，一目了然，唔錯唔錯。
老婆又話想幫廚房換過隻新鑊，去舖頭睇過，近千蚊隻，唔多捨得。好彩喺天貓搵到隻啱心水嘅，直徑31cm都係四百零蚊咋！老婆話鐵鑊炒餸比較有鑊氣，呢隻係平光黑琺瑯，鑊壁特別加厚，能夠抵受200度高溫，唔生鏽，又容易洗，配埋胡桃木手柄，厚實耐用。
老婆買咗新鑊煮好餸，我決定下年開始帶飯返工。順便去天貓搵個靚便當盒先！呢個日式陶瓷便當盒就啱我心意，陶瓷耐熱可以抵受1300度高溫，入微波爐或者焗爐都得。加埋花梨木木蓋，醒目有型。
寵物都有份 智能糧兜+飲水器
屋企人人都揀到心頭好過年，當然要預埋愛犬一份。我就揀咗個飲水器俾佢，呢個曾經得過Red Dot Design Award、德國iF獎同美國IDEA3大設計獎。有靜音水泵同三重過濾，能夠將自來水除臭除氯，同濾走重金屬離子，以循環活水形式供應食水俾毛孩，乾淨衞生。至於智能糧兜，仲方便，只要提供寵物嘅體重、品種等資料，糧兜就可以制定為食方案。糧兜上有量重顯示，每餐食幾多，清清楚楚。加上用抗菌材料打造，底部有蜂窩狀排水口，可以全個水洗，清潔簡單。
周三瘋搶超市貨品 免你運費
差啲唔記得話你知，天貓超市逢星期三有瘋搶日，免～運～費！我就mark定晒啲清潔用品、廚房用品咁放晒落購物車，吼準星期三就買，撳個掣，就送上門。想知多啲天貓優惠，記得download淘寶app同關注埋天貓Facebook官方帳號呀﹗
