網上限定！DesignInspire設計博覽：Experience互動體驗＋香港創意力量與傳統工藝

DesignInspire首次推出線上體驗「Experience」互動系列

「Experience」系列包括The Playroom、The Viewing Room同The Music Room，主要透過數碼互動形式，令觀眾喺過程中得以啟發。每部分都觸動觀眾感官，帶來前所未有嘅視覺同聽覺享受。

The Playroom 迷你數碼互動遊戲

3個「Experience」項目當中，The Playroom絕對最值得期待。事關陳列區涵蓋16個唔同範疇嘅迷你數碼互動游戲，包括繪畫、作曲同故事敍述等，觀眾可以透過玩遊戲，體現科學喺創作過程中擔任嘅角色，與人類間嘅關係以及如何驅動不同設計，學到嘢又有得玩，實行寓學習於娛樂。

除咗The Playing Room，另外亦有The Viewing Room同The Music Room，前者主要介紹由無人機拍攝嘅精采影片同演算法視覺藝術；後者則以人工智能(AI)創作另類音樂作品，讓觀眾欣賞由AI製作嘅歌曲。

體現香港創意力量＋傳統工藝

近年多咗本地品牌或者創作冒起，證明香港人其實創意無限，只係等待一個被發掘嘅機會！「香港創意力量」就榮獲香港特別行政區政府「創意香港」贊助，旨在提升本地年青設計師知名度，同時提供平台，令更多本地及海外參觀者認識唔同本地創意產品同服務。

「藝想」陶藝及纖維藝術作品展

欣賞陶藝及纖維藝術作品，好多時都可以透過作品，明白創作人當刻嘅好心情。「藝想 St James」主要為智障及自閉症譜系障礙人士提供創作平台，今次嘅展品以「Arts for Wellbeing 創作好心情」為題，由二十四位復康藝術家創作喜氣洋洋嘅塑像，觀眾除咗可以體現創作者帶嚟嘅快樂，仲可以從中得到啟發，明白活在當下、真誠愉快嘅人生態度。

傳統工藝 獅頭紮作

平時農曆新年或者大時大節都會欣賞到舞獅表演，但有無諗過獅頭係點樣製作出嚟？原來當中蘊含好多紮作學問，而且過程相當複雜，少啲心機都唔得架！由圈竹條，然後紮實、綁緊，再慢慢上色，每個簡單動作背後，都相當考功夫。而家就有機會深入認識呢門傳統工藝喇！

結合AR技術 遊戲感受傳耆體驗＋獅頭紮作

除咗Experience系列體驗同設計展覽，「藝想」作品展中嘅「貓窩」同獅頭紮作更加結合AR技術，以遊戲方式同參觀者進行互動，喺唔同層面上認識本土藝術同傳統工藝，非常盞鬼！

如果想體驗更多關於今次DesignInspire展覽嘅作品，可以上呢個網站：按此進入

「DesignInspire 2020 – 香港創意力量展館」獲香港特別行政區政府「創意香港」贊助 –
免責聲明：香港特別行政區政府僅為本項目提供資助，除此之外並無參與項目。在本刊物／活動內（或由項目小組成員）表達的任何意見、研究成果、結論或建議，均不代表香港特別行政區政府、商務及經濟發展局通訊及創意產業科、創意香港、創意智優計劃秘書處或創意智優計劃審核委員會的觀點。

(Presented by HKTDC)