真Batman基地曝光!! GoogleMap有得睇
廣告
蝙蝠俠住喺邊?從來都係一個秘密,不過依家只要有Google,真係匿喺天腳底都可以Search到你!大家只要喺Google Map上面輸入「Bruce Wayne’s Residence」,再按「瀏覽內部實景」就可以偷窺Batman屋企啦!
其實係早排《蝙蝠俠對超人:正義曙光》上映咗,大家對套戲嘅評價有好有壞,但無論套戲點,只要有Batman嘅地方一定有人會關注,就好似之前電影公司為套戲做勢,就同Hot Toys合作喺又一城放咗架1:1蝙蝠車同Batman。最近電影公司華納又同Google合作宣傳,整咗個蝙蝠俠屋企實景Google Map,可以入去參觀,放大睇真啲!蝙蝠洞梗係唔係真實存在嘅地方,其實只係電影場景嚟,但今次有得坐係屋企都有睇,唔駛去美國咁遠,大家要把握機會啦!
Batman湖邊小屋 內藏暗機
一按入去未有咁快見到Batman基地,可以先睇下Batman真身Bruce Wayne嘅湖邊小屋先,再睇下湖邊景色,然後再按入去就會見到熟悉嘅基地隧道。
真。電影場地
怕大家唔信係真,同大家嚟電影場景比較,除咗無瀑布之外,其他一樣咁滯,今次係真電影場地啦!
近睇蝙蝠戰車!
再入去終於見到基地嘅真身,基地同電影一樣有兩層,下層係蝙蝠戰車同羅賓漢戰衣,上層就係工作室同最新戰衣。一入到去基地第一眼已經係蝙蝠戰車,仲可以超近睇戲中嘅蝙蝠戰車!
羅賓戰衣 小丑字跡
預告片已經見到蝙蝠俠收藏咗一件被小丑寫咗字嘅羅賓戰衣,估唔到GoogleMap都可以睇到!除咗戰衣當然仲有蝙蝠俠嘅武器庫。
超大工作室!有蝙蝠俠最新戰衣
雖然有電影嘅蝙蝠俠最新戰衣睇,但係同電影預告入面全副武裝比,都有點距離。
Bruce Wayne 嘅管家兼拍檔阿福,成日都係工作室幫蝙蝠俠修理工具,今次終於可以慢慢望真啲個工作室啦!
唔知道企係度可以俯瞰基地全景係咩感覺呢?
想自己再睇真啲Batman嘅基地!快啲係Google search「Bruce Wayne’s Residence」睇啦!
延伸閱讀
7-11有得換Le Creuset餐具!又要儲印花喇!
誰說旅客市場係一嚿肥肉?@杜遊珍