男友出軌搵SP足足2年！女網友心軟想畀機會 網民：對你好只係內疚｜網絡熱話
廣告
出軌值唔值得被原諒？！「戴綠帽」絕對係每對情侶最怕遇到嘅事，如果另一半出軌，仲要係初戀，真係唔知點面對！有女生哭訴初戀男友出軌2年，唔識點解決，所以出Post問一眾網友意見⋯⋯有留言希望樓主諗吓自己父母見到佢咁作賤自己會傷心。亦有留言直指樓主男友由拍拖初期就已經開始偷食！點解仲要畀機會？
男友黑歷史多 依然答應交往
初戀永遠都充滿憧憬，但世事又豈能盡如人意，並唔係每個人嘅初戀可以甜蜜到尾。今次樓主於討論區大爆初戀男朋友出軌，但自己又好唔捨得，從字裡行間流露出無奈又心痛感受。
樓主同初戀男友拍拖約2年，期間男友對女友呵護備至。樓主表示雖然知道男友以往嘅黑歷史，所以初頭都有啲抗拒。但追求期間，男友話會改，又非常體貼入微，於是答應交往。由於係初戀，所以樓主唔想咁快發生關係，而男友溫柔理解嘅態度，令樓主非常感動。大約一年後發生關係，男友對待樓主更加疼錫，樓主表示仲以為自己「執到寶」！
渣男出軌搵性伴侶 女友：一星期最少1次！
點知原來男友拍拖期間，一直都同其他女仔維持住性伴侶關係，時間長達2年！真真正正嘅拍幾耐就出幾耐軌！樓主揭發事件後，簡直由天堂跌落地獄，心痛欲絕！更加發現一星期最少1次，最誇張一個月開房次數多達5、6次！樓主心痛哭訴，以為真係可以行到尾，天真到以為男友會為佢改變！
不敵男友苦情復合攻勢 心軟：佢呢2年真係好錫我⋯⋯
事後樓主於Signal提出分手，亦隨即封鎖男友所有社交媒體。但男友苦苦哀求，又上門喊住認錯，令樓主開始心軟，又諗起當初拍拖甜蜜往事。好唔捨得之餘又好怕下一任會嫌棄自己，所以想畀次機會男友，但又怕出軌真係「零同無限次」，於是出Post問網民應該點做⋯⋯
網民心疼女主好傻：真係愛你一開始就唔會出軌！
對於出軌事件，網民當然一面倒鬧爆女主男友，更加於文章後段見女主心軟想復合，網民都好擔心女主會畀渣男感動到！紛紛表示心疼，勸導女主唔好作賤自己，佢值得更好，向前看！
資料來源：Dcard截圖
圖片來源：Dcard截圖、JTBC《夫婦的世界》截圖資料或影片來源：Dcard
