火炭工廠小清新! 銀髮送上環球素食 |火炭有咩好食|

支持長者就業的社企銀杏館，4年前於火炭開辦餐廳 「華麗冰室」，在工廠區做大眾化食堂，滿足一眾打工仔口味，生意一直不錯，但近日毅然轉營為全素食館，唔擔心冇咗班熟客仔？「我們希望推廣素食，讓大眾吃得健康！再者，此區不乏小炒、碟頭飯的選擇，若客人想轉換口味，就可以找我們。」銀杏館行政總裁Joyce Mak 說。餐館本月正式開業，是該區首間全素食餐館，繼續由銀髮軍做侍應，送上近20款多國菜，包括中、日、韓、 越、西式，而「是日精選」則是天天新款，講明全部不落味精。跟餐自家煲靚湯可於半自助bar 枱免費再添，加$5還可任飲飲品，不少打工仔皆為了杯抵飲即磨咖啡而來！食材方面，因應時節，部分來自旗下「樂活有機農莊」，例如椰菜、蘿蔔、生菜、油麥菜等，想知當日有什麼新鮮時令蔬果，一入門口的小木桌上就有樣本展示。農莊同樣由長者經營，由farm to table，都由一班活寶為你送上，款款都是良好佳品！