出前一丁限定精品
出前一丁限定精品

5米高清仔旺角鬧市賀新年!必換 出前一丁限定精品 @MISS SUNNY

生活

廣告

(Presented by Grand Plaza)

出前一丁麻油麵,出前一丁麻油麵,出前一丁麻…油麵丫!呢碗麵曾經醫飽過幾多個人嘅肚仔?慶祝新一年繼續豐衣足食,清仔、清妹空降 Gala Place (家樂坊) 門外,仲帶咗多款 出前一丁限定精品 俾大家掃過盆滿砵滿添!依家就等我介紹下啦!

新年最強呃 like 位 5米高清仔齊打卡

就係旺角行人專用區嘅盡頭,5米高嘅清仔拎住爆竹,坐係金光閃閃嘅開運元寶上面,遠睇已經非常矚目,近睇更不禁抬頭大叫一聲,好高好大啊!同佢自拍,再 Post 上自己嘅社交平台,仲可以得到別注版清仔文件夾一個。文件夾印到成個包裝出前一丁麻油麵咁,好得意架!真係無唔打卡嘅理由呢!

 

商場禮品超吸引 贏福袋靠實力

商場精品往往係最吸引嘅,今次 Grand Plaza (雅蘭中心)、Hollywood Plaza(荷李活商業中心)、Gala Place(家樂坊) 都唔例外,只要喺商場以電子貨幣消費滿指定金額就可以得到「清仔『型』新春」禮品,全部都有清仔清妹嘜頭,一樣得得意意。而最最最吸引嘅就係憑任何消費就可以即場參加「一碗萬利」互動遊戲,利用智能手機係限時內控制清仔一家用拉麵碗接住指定數量嘅賀年禮品同拉麵食材,愈高分得到嘅獎品愈豐富,大獎仲係超豐富限量版福袋添!

出前一丁限定精品 等住買

就係 5米高清仔後面有一間以日式拉麵屋為主題嘅出前一丁期間限定店,唔單止有清仔杯緣子、清仔多士爐、清仔招財水機、清仔揮春、清仔康樂棋,仲有今年大熱嘅清仔橫須賀刺繡外套 Souvenir Jacket,著上身夠晒型呢!

睇到流口水 經典絕版清仔精品珍藏展

轉過頭,由 Gala Place (家樂坊) 去到 Grand Plaza (雅蘭中心), 一樓展出多款經典絕版清仔精品,包括迷你洗衣機、迷你夾麵機、迷你角子老虎機、模型玩具、麻雀及特色餐具等。當年唔少一推出就賣斷市,到依家都仲有價有市,粉絲一定要去睇啊!

清仔清妹新春團拜
日期:1月14日 及 1月21日
時間:4PM – 6PM
地點:旺角家樂坊, 雅蘭中心, 荷李活商業中心

出前一丁期間限定店
日期:即日起 – 2月14日
時間:12PM – 10PM
地點:旺角家樂坊地下