樽裝飲品
樽裝飲品

隔夜樽裝飲品細菌幾何級繁殖!含菌量激增8000倍!累積氣壓隨時「爆炸」可傷至骨折|網絡熱話

生活

廣告

炎炎夏天,要頻繁地攝取水份預防中暑,樽裝飲品係一個方便嘅選擇。但原來大家經常不離手的樽裝飲品竟然暗藏食物安全隱患!日本Twitter上,就出現咗「飲用樽裝麥茶後食物中毒」等等嘅問題,測試更指隔夜飲品的含菌量更會激增8000倍!原來唔止食物中毒,飲樽裝飲品更分分鐘會導致骨折同視力減弱!

撰文:Carmen|圖片及資料來源:日本食品安全委員會、Yahoo! news JAPAN

樽裝飲品貼嘴飲成安全隱患!

根據日本內閣府,食品安全委員會嘅資料指(詳情按此):「不推薦再飲用曾經貼嘴飲過嘅樽裝飲品」。原因是樽裝飲品一旦開封,樽內細菌就會開始繁殖。引用的樽裝飲品放置24小時後,細菌含量可增加高達8000倍之多。

 

微生物會令樽身爆炸釀成意外!

除咗衛生層面嘅問題,唾液把微生物帶到飲品飲品中,會令膠樽內的微生物(特別係酵母)增加,二酸化碳素令樽內壓力上升而有機會逼到樽身「炸開」!

膠樽「炸開」老婦受傷骨折

日本國民生活中心就曾經收到過,因為膠樽樽身破裂而傷及身體的事例。一個年約80歲嘅女性,飲剩半支有氣飲品,扭上蓋後喺常溫狀態下放置咗近一個月,然後膠樽突然「炸開」。先撞到左手手肘,然後直衝上天花板,再插進身體。最後因複雜性骨折同割傷,需入院做手術。

樽蓋飛彈眼球,少女危盲

另一個10幾歲嘅女性,貼嘴飲用500ml膠樽裝嘅運動飲品後,喺扭上蓋嘅途中,樽蓋突然飛脫撞上眼,導致視力受損。

內地少年被可樂樽傷至骨折

幾年前亦有長沙少年不慎把冰凍的可樂跌在地上,拾起膠樽扭開瓶蓋時,膠樽突然爆裂,不但鎅傷了虎口位,還導致左手拇指骨折。

全新樽裝飲品也可出事

杭州有婦人被全新未開封的樽裝蘋果汁「炸傷」。當時該蘋果汁雖然未被用飲用過, 但卻膨脹的得很厲害,婦人拿起查看再放下時被爆裂的膠樽傷及胸部。專家指可能是飲品出廠時滅菌做得不完善,導致細菌繁殖,產生氣體,令膠樽膨脹釀成意外。

隔夜樽裝飲品唔止有機會引起食物中毒,還有機會傷造成爆炸導致意外。一不小心發生類似意外隨時可能發生!因此飲樽裝飲品時應避免造成膠樽內欺壓上升的成因!

不同飲品隔夜含菌量各異
最高可激增8000倍!

除了會令膠樽有潛在爆炸危險,細菌本身也是一個食物安全威脅。日本有電視節目《月曜夜未央》對五種不同的樽裝飲品進行了測試,分別為水、大麥茶、可樂、橙汁和Latte。每個樣本對嘴喝一口,然後再化驗室溫放置24小時的含菌量。結果發現只中一個樣本細菌繁殖了8000倍!含菌量排名如下。

5. 水
細菌含量增加500個

不要以為水就沒有問題,飲過的樽裝水隔夜後細菌含量可以變Double。

4. 大麥茶
細菌含量增加3100個

就算不含糖分的麥茶,樣本細菌含量也由600個變3100個,增加了5倍多。

3. 可樂
細菌含量增加249萬3200個

不出所料,可樂這類含糖飲品飲過後隔夜含菌數以幾何級數增長了4155倍。含菌量驚人!

2. 橙汁
細菌含量增加250萬3300個

橙汁同樣是含糖飲料,測試出的含菌量與可樂相近。

1. 牛奶咖啡
細菌含量增加517萬5300個

5種飲品樣本中,含菌量最多的是牛奶咖啡,含菌量激增高達8000倍!這主要是因為這款飲品入面含有很高的糖分,而牛奶中的營養也成為了細菌的最佳食糧,導致細菌光速滋生。

 

點樣飲最安心?

1. 離口飲

樽口的細菌主要來自接觸嘴唇時沾染的口腔細菌,只要離口飲,避免樽口與嘴唇的接觸就可減少細菌量。

2. 倒落杯到飲

如果非要分開幾次飲嘅,最好倒落杯到飲,同樣可避免樽口與嘴唇接觸,留下細菌。

3. 放入雪櫃

不要把未飲完的飲品放置在室溫底下,夏天氣溫炎熱,特別適合細菌滋生。宜把它放入雪櫃,降低溫度保存。

4.盡量一次過飲哂成支

不過唔止貼嘴飲嘅時候,其實就咁倒落杯度飲,再扭返個蓋,都會有細菌走入飲品中。所以最好都係盡量購買一次可以適當的份量,並且一次過飲曬成支。

即睇更多:微波爐唔放得咩? 10大不能「叮」的東西!小心爆炸|好生活百科