星座面相
星座面相

專家教睇 星座面相 ! 好色男女大解碼!

生活

廣告

「 男歡女愛 」的話題好老土?但食色性也,等如見到 buffet「 放題 」總會挑動人類神經。有情先有慾,勉強冇幸福,今回面相揭露「 肉慾狂 」的特徵,如果對方大部分特徵俱備,結交上要小心提防。星座則拆解三大好色男女星座,享受性愛不是罪,一於齊齊睇睇今期 星座面相 ,「舉高隻手,唔好怕醜 」!

撰文:麻瓜鄧

專家教睇星座面相!好色男女大解碼!

麥玲玲Profile

屬馬的水瓶座,自小口齒伶俐、舉一反三;「我的志願」是上電視講十二生肖,廿年前夢想成真,如今微博的粉絲超過香港總人口。

玲玲姐金句:「『女人貪情,男人貪性』,男人好色係遺傳基因,同女人鍾意 shopping 一 樣,好正常,只係睇嗰個男人有冇『賊膽』啫,咁當然都要小心惹上桃花劫。女 人就以感情為基底,只要覺得對方好關心自己又浪漫,就會奉獻晒身心,好容易衰係『暖男』包裝手法。」

 

1.頭髮鬈曲

男性天生頭髮鬈曲者,色慾人較重,小小事情便會聯想起性。

2.眉粗且亂

男性眉粗主好色,眉毛亂的人思想亦亂,即離有清晰的思考,容易被一時的想法沖昏了頭腦。

3.眼肚脹滿

眼肚經常脹滿的人,較大機會沉溺於色慾之中;若加上眼神偏弱,更代表心志不夠堅強,自制力不足。

4.耳低兼多毛

耳朵生得太後太低,思想會教為猥瑣,言行都會較粗鄙。另外若男性耳旁鬢腳多雜毛,亦屬好色之相,對性的興趣比一般人大。

俠女卜卜嬋教路:三大好色男女星座

俠女卜卜嬋Profile
阿嬋的外衣、霍金的心智,鼓吹科學地看星座。2015起於大小市集及電台節目中出沒講占星。願望是人人都知道自己的上升星座。(fb@俠女卜卜嬋

卜卜嬋金句:「性係一種創造的能量,有啲星座本性就係特別擁抱性愛,但唔代表亂嚟。火星象徵性慾,所以由火星守護嘅天蠍同白羊一定上榜,天蠍更係表表者,性愛表現一向有口碑,但唔會純發洩,因為天蠍深信『性』係感情嘅昇華。金牛就唔似天蠍同白羊咁激烈,佢哋追求慢慢享受,打野戰係冇可能囉。」

第一位:天蠍座

天蠍在身體上象徵生殖器官,性既是愛的延伸,也符合天蠍喜歡征服與佔有的本質,對天蠍具有深層的意義。

  1. 追求靈慾合一,認真看待性愛。
  2. 平日形象神秘,性愛表現有如活火山。
  3. 對性伴有要求,對方符合條件才會行動。

天蠍座明星代表

余文樂(1981年11月13日)

 

第二位:白羊座

白羊對性愛不保守,覺得此事十分平常,而且也是直接表達愛 的最佳選擇,最配合白羊迅速又奔放的本性。

  1. 有需要就去滿足,沒太多顧慮。
  2. 性愛上具創造力,最能呈現雄性能量。
  3. 不愛慢熱搞氣氛,說做就做。

白羊座明星代表

林俊傑(1981年3月27日)

第三位:金牛座

金牛重視感官享受,對於純幻想事物不太有感覺,要有真實接觸才產生快樂,而情慾正好每分每秒都提供感官上的滿足。

  1. 真心享受,以鑑賞角度品味性愛。
  2. 注重安全,對環境舒適度亦有要求。
  3. 走浪漫路線,不太接受狂野式的性愛。

金牛座明星代表

唐詩詠(1981年5月3日)

 

太陽或火星星座都關事!

如你的太陽或火星星座是天蠍、白羊或金牛,皆可參考 以上的分析。要查知太陽星座以外的詳細星盤,可瀏覽「 占星之門 」 astrodoor.cc/horoscope.jsp( 須有準確出生時間)。

 
延伸閱讀:專家教睇星座面相! 賢妻良母之選!