年尾開心放大假 ! 旅行必備 5大items @TRAVEL佳

就嚟到年尾，又係紅假放題同清Annual嘅日子~ 我知大家一定已經心郁郁plan緊去邊 旅行 啦！嗱嗱嗱，你地知我travel佳成日周圍去，去得多 旅行 點都會有啲心得嘅~ 所以我決定益下大家，開心share下 旅行必備 ，我心目中嘅travel essentials！

1/ 即影即有相機

Eason都唱過：「留住溫度、速度、溫柔和憤怒~」，有咩比起即影即有更加能capture到旅行嘅每一個精彩moment？無得preview，無得delete，純粹將當下嘅感受同眼前嘅感受影低，係送比自己最好嘅禮物！

2/ Travel Journal

每次去旅行，都係一生人一次嘅回憶。好多人出發前都雄心壯志咁想詳細記錄返行程嘅點滴，但一返到屋企就咩都唔記得啦！最好嘅方法就係帶住本遊記一齊去旅行，每一日都寫返當日難忘嘅事~ 雖然有少少chur，但我相信你遲啲睇返嘅時候一定覺得好值得嘅~

3/ 便攜式充電器

作為一個機不離身嘅人（即係basically 每一個人），人生最痛嘅就係……電話無！電！你知啦，捉pokemon好緊要，特別係去到澳洲、歐洲或者美洲，捉返當地special pokemon是常識吧！除咗玩，部電話keep住有電，有咩事起上嚟都唔駛四圍騰喇~

4/ 抗疲勞補充劑

除咗電話會無電，你都會無電㗎！去旅行舟車勞頓，就算係鐵打都會頂唔順啦！為咗去玩時可以精精靈靈，我就會揀日本銷量第一嘅Alinamin EX Plus抗疲勞補充劑，連男神古天樂都係佢fans！佢特別嘅TTFD配方，加埋維他命B6、B12、維他命E及泛酸鈣，專門針對眼睛疲勞、肩頸僵硬同腰酸背痛等等因為攰引起嘅不適㗎！有咗佢，出去玩就唔怕攰啦！

不過，做人就唔可以臨急抱佛腳嘅，平日我地儲埋啲攰，唔係一時三刻可以解決到~ 想要精精神神，就唔可以懶，平時都要keep住食㗎！

5/ 紗籠 Sarong

如果你係女仔，我覺得紗籠絕對係你嘅travel essentials！紗籠喺東南亞同印度好盛行，當地女仔真係當衫咁著㗎~我覺得紗籠對女仔嚟講，簡直萬能恩物！首先，上飛機或者凍嘅時期可以披著，擋下氣同風；去沙灘嗰陣又可以著喺比堅尼出面，無咁怕醜嘛~ 曬太陽仲可以當沙灘添；仲有，去一啲比較保守嘅回教國家時，著短褲係「立入禁止」㗎！要入神聖地方，就一定要用紗籠披一披先！

後記

有咗呢個list，去旅行一定開開心心，年尾中秋節、重陽節、聖誕節去旅行跟住執就okay啦~