黑糖生薑黑豆茶
黑糖生薑黑豆茶

新年後美容急救・黑糖生薑黑豆茶食譜@Hilda 梁雅琳

生活

廣告

猴年我祝大家日日有食神,仲要健健康康同開開心心~ ^_^

相信大家過年都應該食咗唔少煎炸同油膩的食物,大時大節滿足口腹之慾之外,另外去拜年同玩都應該捱咗幾晚夜車,所以新年後真係要為腸胃和身心清一清返嘅~ 以下呢一款黑豆茶可以活血解毒,適合岩岩聚會、捱夜後飲用。當中的黑糖和生薑都是適合女仕們保健養身飲用的食品,可補血驅寒。想補身又養顏的話,記得連同黑豆一齊食用!

另外,亦附上有明目、健脾益胃、補氣養血功效的《黨參杞子紅棗茶》和具潤心肺、補而不燥的《南棗蘋果紅茶》食譜,總有一款啱你的~

《黑糖生薑黑豆茶》功效:補腎強身、活血解毒。
材料:
黑糖⋯⋯1-2茶匙
薑片⋯⋯3塊
黑豆⋯⋯40克
熱水⋯⋯350毫升

做法:
1)黑豆先用白鍋炒熱,備用。

2)生薑切片,連同幼粒狀黑糖放入保温壺內。

3)注入熱水,拌至糖溶解,焗三十分鐘即成。

 

《黨參杞子紅棗茶》功效:明目、健脾益胃、補氣養血。
材料:
黨參⋯⋯6克(切片)
杞子⋯⋯1湯匙(浸軟瀝水)
紅棗⋯⋯5粒(浸軟瀝水去核)
熱水⋯⋯350毫升

做法:
1)材料放入保温壺內,注入熱水焗三十分鐘,即成。
《南棗蘋果紅茶》功效:養脾、潤心肺、補而不燥。
材料:
南棗⋯⋯4粒(浸軟瀝水去核)
蘋果⋯⋯1/2個(去核切粒)
紅茶包⋯⋯1個
熱水⋯⋯350毫升

做法:
1)紅茶包混合熱水浸泡成熱茶。
2)南棗和蘋果放入保温壺內,注入熱紅茶,焗三十分鐘即成。

 

延伸閲讀:

香港製造! 4大賀年糕點推介 (上)

最新吃喝玩樂資訊