十月想搵地方感受萬聖節氣氛又唔想去鬼屋排隊同人迫？今個萬聖節不如嚟尖東麼地道花園一齊開 Party！由 10 月 17 日起由尖沙咀中心及帝國中心主辦嘅「TST East Halloween Beats」戶外電音派對將會連續三個星期六舉行屆時成個公園將變身成超有氛圍嘅霓虹電音舞台免費開放入場！
廣告
國際人氣 DJ 坐鎮 ✕ 3 大主題變裝派對
今次活動請嚟韓國人氣 DJ Varo、DJ Hermit、泰國 DJ 22Bullets 同本地 DJ Delta T 等輪流接力打碟；三個週末仲分別以「熱爆動漫」、「電影狂想曲」同「萬聖節電音大派對」為主題，最啱約埋一班朋友仔一齊变裝打卡，喺微風同強勁節拍下享受夜色！
懷舊尖東霓虹招牌 ✕ 關智斌原創 IP
現場特別向尖東傳統街景致敬，打造咗極有懷舊情懷嘅「萬聖霓虹打卡裝置」；同場仲有本地藝人關智斌（Kenny）親自設計嘅 IP 角色「米丸」同「肉丸」首度登場，搞怪造型配埋復古霓虹燈，視覺效果超豐富～
鬼馬小食市集 ✕ 歡樂大使請飲特飲
派對隔離設有特色市集，將傳統「一盅兩件」點心變成搞鬼造型，亦有變裝同面部彩繪攤位；尖東美食里仲會有歡樂大使穿梭海畔酒吧，免費請現場朋友飲特飲！下午時段亦設有親子嘉年華同兒童 Beatbox 表演，無論係同朋友去 Party 定帶小朋友放電都好適合。
在 Instagram 查看這則貼文新假期 Weekend Weekly（@weekendweekly）分享的貼文
圖片來源：官方圖片資料或影片來源：「新假期官方IG」
