$45扭到缺貨Y2K復古摺機?! Threads爆紅 可以換相/錄音!😱 貨量超足!

小編都唔執輸，即刻扭返幾個嚟玩吓🤪～但小編太臭手😢，唔小心扭咗三個重複，儲唔齊一款五隻色🥺！分別有銀白色、銀灰色、粉紅色、淺藍色同白色，小編私心覺得淺藍色最特別🩵，而白色同粉紅色就少女心滿滿💖，銀色就好有Y2K feel✨！

實物超級精緻😍，重點係個手機Mon係可以換相㗎😱～Cut好size就可以看自己鍾意嘅相上去📷，貓奴一定要換主子張相上去啊🐈！Threads上面都有好多追星族換偶像嘅相上去，每日望住心情都好啲啊🥰～

除咗換相之外，呢部細細部嘅手機仔仲可以錄音㖭📢！小編就錄咗主子把聲音落去😚（細細聲同你講～隔離位同事換咗偶像把聲落去🤫！

想再Y2K啲就可以DIY痴埋貼紙🤩～即刻勁有feel啊！掛喺袋度勁靚🫡～

小編係喺元朗YOHO MIX一間扭蛋店樓嘅，價錢係$45一個，算係正常價格範圍，可以接受😌！現場仲有好多得意扭蛋😍，就連之前紅到大缺貨嘅貓毛樽仔都係$40就有交易‼️～

大家快啲趁住仲有貨嘅時候去扭喇🫡～如果你都喺其他地方見到有呢款扭蛋，就留言話俾我哋知啦🤎！

在 Instagram 查看這則貼文新假期 Weekend Weekly（@weekendweekly）分享的貼文