元朗$188五道菜芫荽全餐！芫荽大蜆意粉＋芫荽奶蓋Tiramisu

荽友推介！元朗$188芫荽全餐

元朗街坊西餐廳「1987plus」最近新推出芫荽全日餐，優惠試食價$188就食齊5款芫荽菜式及飲品，包括煙三文魚芫荽卷、芫荽粟米忌廉湯、炸石斑柳配芫荽醬、芫荽大蜆意粉、芫荽特飲！消息一出，吸引不少芫荽黨成友和芫荽愛好者去試，反應仲好熱烈，個個大讚重芫荽味，完全滿足一班荽友！

在 Instagram 查看這則貼文新假期 Weekend Weekly（@weekendweekly）分享的貼文

最重荽！新鮮大蜆芫荽醬蜆殼粉

芫荽全餐焦點一定是大蜆芫荽醬蜆殼粉，店家標明新鮮大蜆足足有1斤，蜆肉厚實飽滿，鮮甜多汁，搭配自家製芫荽醬，芫荽味好濃郁，又有清新草本香氣，與鮮甜的蜆肉相輔相成，提升層次風味。蜆殼粉Q彈帶有嚼勁，芫荽醬汁均勻包裹，每啖都食到芫荽的清香，黨友大讚超好食！

$28追加芫荽奶蓋Tiramisu

除了主食之外，仲可以優惠價$28追加芫荽奶蓋Tiramisu！Tiramisu淋上如瀑布般的芫荽奶蓋，有傳統Tiramisu濕潤的口感，又有一陣清新的芫荽香氣，細膩順滑，好特別！