挪亞方舟
挪亞方舟

率先睇!挪亞方舟新推暑期限定「快樂夢想特工隊」活動 @Parent婷

生活

廣告

暑假開始啦!仲頭痕緊帶小朋友去邊玩?要好玩又益智,Parent婷計劃帶小朋友去「打工」!挪亞方舟新推出暑期限定活動「快樂夢想特工隊」,唔單止增廣見聞外,仲可以等小朋友可以體驗夢想職業!

(Presented By Noah’s Ark)

直擊挪亞方舟快樂夢想特工隊體驗

嚟挪亞方舟快樂夢想特工隊,小朋友可以隨意體驗8 種夢想職業,包括牙醫、飛機師、消防員、廚師、營養師、森林保育員、海洋探索家,以及畫家。每個職業都設有有關工作介紹同知識,仲可以即時化身成有關職業,小朋友一定玩得好投入、好開心!

微笑牙醫事務所

化身成小小牙醫,喺度學到牙齒保健知識,同模擬病人做口腔牙齒檢查,從小開始養成良好口腔護理習慣。

飛凡飛機師訓練中心

飛機師係好多小朋友嘅夢想職業,嚟到模擬駕駛艙可以學到飛行知識,體驗駕駛飛機嘅樂趣,非常好玩!

精英消防體驗營

英勇消防員係小朋友心目中嘅英雄。小朋友可以著起小小消防員制服,勇闖模擬火警現場嘅煙霧體驗區,合力拯救災民,發揮團隊精神!

星級小廚神學堂

Parent婷平時都有同小朋友一齊入廚,享受煮食樂趣。嚟到呢個廚神學堂,小朋友可以戴住廚師帽、著起圍裙,即刻化身成烘焙小達人,有機會親手炮製香噴噴嘅蛋撻,仲可以即刻品嘗添!

健康夢想營養坊

均衡飲食好重要,喺呢度可以做營養師,學習有關知識,了解唔同食物嘅營養,仲可以學以致用,運用相關知識即場炮製可口又健康嘅美食,有得食又有得玩!

森林保衛大本營

喜歡動物嘅小朋友一定好想成為「小小森林保育員」!大家可以喺光影投射森林場景,同唔同動物互動,加深對大自然保育嘅知識!

海洋生態探索號

除咗大自然外,海洋都需要好好保護!擔任「小小海洋探索家」,肩負宣揚保護海洋環境嘅職責。仲可以戴起3D眼鏡潛入蔚藍深海,好多海洋生物喺身邊經過,非常有趣!

未來夢想畫廊

小畫家喺AR畫紙畫出理想國度,畫作可以投影喺巨型屏幕,與作品互動,之後仲可印做Cushion帶返屋企添!即場印製Cushion 暑期優惠價HK$128(原價HK$198)

想帶小朋友一齊嚟玩?而家喺挪亞方舟官網,購買小童門票,仲可以優先預約兩個活動,節省輪候時間!事不宜遲,即刻買飛啦!

快樂夢想特工隊

活動日期:2019年7月13日至9月1日(逢星期六及日)

活動地點:馬灣香港挪亞方舟

費用:成人$198、小童/長者$158 購買小童門票即可參加「快樂夢想特工隊」,於挪亞方舟官網購票更可優先預約最多2項活動

詳情及購票:https://www.noahsark.com.hk/tra/summer-event2019.jsp

 

最新吃喝玩樂資訊