喺香港感受外國聖誕氣氛！愉景灣住宿優惠+海景自助餐+聖誕派對特集 @MissSunny
仲未 plan 聖誕點樣過？我 MissSunny 已經幫你諗好節目啦！享受180度戶外海景聖誕大餐、嘉年華式佳節派對、浪漫假期住宿，去愉景灣就可以一次過滿足晒 3個願望！無錯！喺香港一樣可以感受濃濃嘅聖誕氣氛！等我話你知點玩最滿足啦！
1. 聖誕大餐早鳥優惠
講到聖誕節必做嘅事，梗係要同至愛食聖誕大餐啦！ 愉景灣 酒店 Café bord de Mer & Lounge 嘅自助晚餐都已經換成聖誕主題。唔單止有豪華嘅波士頓龍蝦、鱈場蟹腳、北海道帶子、法國藍青口同澳洲加菲蟹等海鮮做序幕，仲有秘製蒜香肉眼扒、烤羊架和龍蝦蟹肉泡飯等熟食做主菜，而聖誕大餐必備嘅烤火雞、薑餅同聖誕蛋糕都一應俱全！大人小朋友都可以大飽口福！
唔好話 Miss Sunny 唔提你，由即日起至2018年12月7日期間，提早預訂12月22日至26日、31日及1月1日自助晚餐，並繳付全數費用，仲可以特別尊享 85折早鳥優惠𠻹㗎！
2. 嘉年華聖誕派對
要有聖誕氣氛，酒店四周都布置好聖誕裝飾，而且12月24日至26日期間仲有如嘉年華嘅佳節派對！集合咗攤位遊戲、扭波波、充氣城堡等小朋友最愛玩意，仲有美妝小站畀大家用紋身貼紙、面部同指甲彩繪等換個 party look𠻹！
3. 除夕倒數隨時贏酒店住宿
酒店大堂更會喺 12月31日晚上10時至凌晨1時舉行除夕倒數派對，數以百計嘅氣球更會應聲而下，隨時贏取一晚酒店住宿、Café bord de Mer & Lounge雙人自助餐、觀光馬車暢遊等豐富獎品！
$2,588起入住山景客房+包自助早餐+佳節自助晚餐
怕食完大餐，玩得太夜？其實可以選擇買 Package 一家人住番晚！想喺 愉景灣 享受 2日1夜嘅歐洲式聖誕假期都只係$2,588*起。聖誕住宿美食套餐唔單止包括二人入住山景客房一晚，仲連埋自助早餐同佳節自助晚餐。另加HK$350*起，就可以帶埋一位小童（3-11歲）一同享用優惠，並參與由酒店活動中心精心安排嘅聖誕節活動喇！
*以上所有價錢須另收加一服務費。
