【情人節】3大抵食浪漫晚餐提案

生活

廣告

仲未諗到情人節去邊度食晚飯?幸好坊間不少餐廳都推出情人節套餐,總有一間符合你的心水,想靜靜地享受二人世界可以選擇私人雅座,想浪漫少少可以揀燭光晚餐……最怕唔夠快手會Full booking咋!今日我哋幫大家精選咗幾間靚view、靚美食嘅情人節餐廳,睇得快book位更快。

1)FINDS

位於尖沙咀的帝樂文娜公館,地點夠晒方便,而且環境相對於其他酒店較為特別,感覺上已經無咁「行」。今年值得一讚的更是餐廳特意用紗劃出二人空間,外面人絕對打擾不到裡面情侶sweet sweet。而價值亦不算得很貴,未連加一服務費每位$998,算是中價之選。

 1
著重浪漫情調的愛侶,北歐餐廳FINDS的私人雅座必定合心意。餐廳特意劃出二人空間,讓情侶在不受打擾的環境下綿綿情話,靜心享受美食。
 菌香撲鼻的黑松露伴挪威多寶魚,伴傳統北歐配菜茴香蓉,苦白菜及刁草汁,口感清新。
菌香撲鼻的黑松露伴挪威多寶魚,伴傳統北歐配菜茴香蓉,苦白菜及刁草汁,口感清新。

FINDS
地址:金巴利道39號帝樂文娜公館
電話:2522 9318
價格:每位$998 +10%

2) 希戈餐廳

根據非正式統計,10位女士有8位都對歐陸式設計情有獨鍾,如果唔係你女友又點會年年都話想去歐洲旅行吖。言歸正傳,呢間2010年重開的希戈餐廳,今年情人節套餐主打新鮮海產,前盤已經有時令生蠔、阿拉斯加帝王蟹拼盤;主菜是扒烤波士頓龍蝦拼香煎英國鰈魚配炒野菌及白松露牛油汁,聽落無比奢華。當然費用會再貴一些,每位盛惠$1,588。

 3
近年歐陸餐廳興起,想感受歐式木屋的溫馨氣氛的情侶都有不少選擇。
 希戈餐廳的情人節套餐主打新鮮海產,前盤已經有時令生蠔、阿拉斯加帝王蟹拼盤;主菜是扒烤波士頓龍蝦拼香煎英國鰈魚配炒野菌及白松露牛油汁,聽落無比奢華。
希戈餐廳的情人節套餐主打新鮮海產,前盤已經有時令生蠔、阿拉斯加帝王蟹拼盤;主菜是扒烤波士頓龍蝦拼香煎英國鰈魚配炒野菌及白松露牛油汁,聽落無比奢華。

希戈餐廳
地址:九龍尖沙咀河內道18號
電話:2311 1234
價格:每位$1,588 +10%

3)星幕

呢個推介地點較為冷門,位處將軍澳區,所以適合已婚老夫老妻、又或者怕人多擠逼的朋友。今年情人節特式菜式是波爾多紅酒凍鵝肝伴黒松露白菌,凍食時可以減低油膩感,黑松露的濃郁香氣,齒頰留香。不過更值得一提是,訂位時講明要露天酒吧區,便可以在星光燭光的浪漫氣氛下用餐,有心思的話另一半就算唔加分,都起碼唔駛跪玻璃吖。

 星幕位於九龍東皇冠假日酒店頂層,訂位時講明要露天酒吧區,便可以在星光燭光的浪漫氣氛下用餐。波爾多紅酒凍鵝肝伴黒松露白菌,凍食時可以減低油膩感,黑松露的濃郁香氣,齒頰留香。
星幕位於九龍東皇冠假日酒店頂層,訂位時講明要露天酒吧區,便可以在星光燭光的浪漫氣氛下用餐。波爾多紅酒凍鵝肝伴黒松露白菌,凍食時可以減低油膩感,黑松露的濃郁香氣,齒頰留香。
 最後以白桃慕絲伴紅桑莓啫喱作結尾,令口腔保持清新感覺!
最後以白桃慕絲伴紅桑莓啫喱作結尾,令口腔保持清新感覺!

星幕
地址:將軍澳唐德街3號
電話:3983 0688
價格:每位$1,420 +10%

延伸閱讀:破格創作菜 南乳豬腩做多士