網上互動體育訓練課程
網上互動體育訓練課程

Online做運動! 康文署明年一月推出網上互動體育訓練課程

生活

廣告

唔少人平時都會趁放假或者收工時間做吓運動,但疫情期間留喺屋企自己一個人孤伶伶做運動又驚無動力,但而家唔使怕喇!因為康文署將於明年一月舉辦網上互動體育訓練課程,俾教練同市民用Zoom喺網上進行互動教學。即日起開始接受報名,大家再無藉口唔做運動喇~

8項網上互動體育訓練課程

由康文署舉辦嘅網上互動體育訓練課程包含一共8項活動,包括健體舞、徒手健體、身心伸展、親子健體、太極、兒童健體、健體瑜伽同嘻哈舞。課程內容由中國香港體適能總會及香港太極總會設計,無論小朋友、大人抑或長者都適合參加。課程以雙向形式同步進行,唔單止增加趣味,亦都有助參加者培養做運動嘅良好習慣。

Online做運動! 康文署明年一月推出網上互動體育訓練課程

課程以Zoom進行 報名費只需$20

參加網上互動體育訓練課程,只需要準備一部上到網嘅電腦、平板電腦或者智能手機,下載埋Zoom軟件程式就可以實時參與喇!課程分別以兩節或三節的形式進行,每節一小時。即日起可以上康體通網上服務報名,費用只需港幣$20,先到先得,有興趣記得快啲報名喇~(leisurelink.lcsd.gov.hk)

Online做運動! 康文署明年一月推出網上互動體育訓練課程

如果想了解更多詳情,可以致電2414 5555或上康文署網頁瀏覽詳情:www.lcsd.gov.hk/tc/visavis

(Presented by LCSD)