屯門友必去freshplus掃貨！佔地約7,000呎新鮮魚、肉、生果、蔬菜任您選

May 4 2023

要打理好一頭家絕對唔係一件容易事，既要定期買日用品，放工又要買餸煮飯，仲要諗埋邊到掃貨有優惠省錢𠻹！不過如果你係屯門友咁就容易得多，事關只要去佔地約7,000呎嘅freshplus就可以一次過解決晒日常所需，內𥚃唔單止裝修靚仔乾淨企理，而且用意想不到嘅價錢就可以入手筍貨，仲可以喺網上入手直送到屋企，咁就唔使買完自己搬返屋企咁辛苦啦！

5月6日一天限定 freshplus嘉年華全場88折＋試飲試食大派福袋

作為一間富有人情味嘅超市，freshplus除咗為屯門友提供日常生活所需嘅好物，當然亦要舉行唔同活動同大家交流互動啦！而嚟緊5月6日就將會舉辦freshplus嘉年華，到時唔單止會有全場88折優惠，到場嘅朋友可以換領福袋和領取到新鮮菜、爆谷及棉花糖，現場亦會有小丑表演扭波波，一於帶埋小朋友一齊去感受嘉年華氣氛啦！

佔地約7,000呎、多個區域食品/$12專區/寵物用品應有盡有

位於䨇寓商場嘅freshplus佔地約有7,000呎，超市內劃分成多個區域，除咗有新鮮蔬菜、日韓水果、壽司、海產、肉類、急凍食品、乾貨食材、個人護理及藥品等常見類別，仲有$12店家居用品區，等大家可以用至筍價錢入手家居用品！另外寵物天地可以隨時買嘢氹主子們開心，而蛋糕專區亦設有各式各樣嘅蛋糕、甜品，啱晒鍾意甜食嘅朋友！最後行到攰仲可以去超市內嘅小食店「掃街」醫肚，絕對係想買乜就有買，一應俱全！

返工人士恩物海量即食、新鮮食材任你選擇

身為屯門人平時出市區返工閒閒地都來回3個鐘，有時放工都唔想再四圍走去買餸、買日用品。不過有freshplus，返工人士想一次過買齊所需嘅食品又或者日用品就方便得多啦～freshplus嘅蔬菜生果、海產肉類新鮮抵買就不在話下，最重要係超市乾淨企理！放工想喺freshplus買餸煮飯又得，唔想煮亦可以喺小食店買即食中式點心、港式小食亦得，超市仲有壽司專區可以買唔同款嘅壽司，啱晒繁忙嘅都市人呀！