室內緩跑徑
室內緩跑徑

跑吧!無懼任何天氣!香港5大 室內緩跑徑

生活

廣告

近年一眾型男美女、明星名人紛紛愛上跑步。除為健康,更是潮流。不過跑步要睇天氣,太凍太熱都唔方便,落雨就更加覺得「個天唔鍾意我」!而無論任何天氣,去 室內緩跑徑 就唔洗愁!現時香港有5條室內緩跑徑 ,等你可以歎住冷氣,想幾時跑就幾時跑,再冇藉口唔keep fit啦!

5大 室內緩跑徑 任你跑

室內緩跑徑 跑步方便在於唔洗日曬雨淋,場內又有冷氣,重中之重是有更衣室同沐浴設施,跑完可以沖個靚涼,唔洗帶住一身汗味。

而體育館開放時間大多由早上7點開始,返工前都跑得。現時5條室內緩跑徑分佈於中環、調景嶺、上水等地,位置方便易去,不少更有其他玩樂設施配套添!

1. 豪華+方便調景嶺體育館

調景嶺體育館於2015年啓用,新束束的室內緩跑徑長約150米,為5條之中最新同最豪華!其他設施仲有戶外運動攀登牆、兒童遊樂場,室外仲有園景花園同草坪,跑完步仲大把嘢玩。而體育館位於將軍澳翠嶺路,港鐵站一出即到達,非常方便。

特別推介:兒童遊樂場

其他體育館少見有咁大型的兒童遊樂場,調景嶺體育館的兒童遊樂場以海洋為主題,入面有不同設施俾小朋友玩,跑完步可以同小朋友去放電。

調景嶺體育館

地址:將軍澳翠嶺路2號(港鐵調景嶺站A出口)(顯示地圖

開放時間:每日上午7時至晚上11時(定期保養日除外)

電話:2481 5033

2.除下西裝去跑步香港公園體育館

香港公園體育館位於中環,地點近山頂纜車總站,啱晒於中環、灣仔,金鐘等地方返工的上班一族。響辦公室坐完一日,不妨收工除低套西裝去跑下啦!

香港公園體育館

地址:香港中環紅棉路29號(顯示地圖

開放時間:每日上午7時至晚上11時(定期保養日除外)

電話:2521 5072

3. 上水+粉嶺最靚緩跑徑保榮路體育館

住上水同粉嶺的朋友一定識保榮路體育館,因為保榮路體育館有全北區唯一的室內緩跑徑,住新界的你不妨去朝聖。

保榮路體育館另一特色是有少見的美式桌球室,仲有戶外運動攀登牆,跑步之餘可以試下其他活動。

Night Play

A post shared by Steven Chung 史提芬 (@stevenchung05) on

 

上水保榮路體育館

地址:新界上水百和路19號(顯示地圖

開放時間:每日上午7時至晚上11時(定期保養日除外)

電話:2639 2979

4. 四通八達 天水圍天暉路體育館

講起天水圍,通常得到的回應都是「好遠啊」等,其實天水圍都好易去。而天水圍的天暉路體育館亦四通八達,旺角、青衣、元朗等地方都有車去到,有心跑就唔怕遠啦!

天暉路體育館的室內緩跑徑相對無咩景觀睇,可以專心跑步。

 

天水圍天暉路體育館

地址:天水圍天瑞路63號(顯示地圖

開放時間:每日上午7時至晚上11時(定期保養日除外)

電話:2473 0229

5. 將軍澳另一選擇坑口體育館

同樣位於將軍澳的坑口體育館亦有一條長約150米的室內緩跑徑,但場內只有一條緩跑徑,設施亦無調景嶺體育館咁新。不過勝在位置方便!

緩跑徑下面是羽毛球場,想方跑方睇人打波都得!

將軍澳坑口體育館

地址:將軍澳培成路38號(港鐵坑口站B出口)(顯示地圖

開放時間:每日上午7時至晚上11時

電話:2623 5928

最新吃喝玩樂資訊