孫中山
孫中山

周末親子活動 孫中山 先生 150周年誕辰紀念展

生活

廣告

(Present by 香港歷史博物館)

做人阿媽,真係成日好想自己仔女學多啲嘢,好似海棉咁吸吸吸~吸哂啲知識就好喇。但又唔想自己做怪獸家長俾小朋友太大壓力,所以最好嘅學習方法就係邊玩邊學習喇!

今年原來係 孫中山 先生嘅一百五十周年誕辰,香港歷史博物館舉辦咗【趣看孫中山及其時代展覽】嘅紀念展,展期大約一個月,仲係免費入場添,即刻帶大家睇下有咩精彩內容!

同「孫中山先生」合照

今次展覽小朋友最Enjoy應該就係呢個影相位喇,喺展覽廳一樓一入門口就見到不同造型嘅「孫中山」迎接你,一比一嘅人像及人型紙牌,呈現咗清末民初身穿唔同服飾嘅孫中山先生。

一比一嘅人像及人型紙牌,絕對係影相位。

孫中山嘅歷史足迹

孫中山先生時期嘅中國面對歐美列強交侵,經歷咗甲午戰爭、八國聯軍之役、日俄戰爭等重要戰爭,好似好沉重,不過,今次展覽就用咗講故事嘅方式,同大家介紹孫中山嘅革命運動,成件事就好玩咗好多啦。喺香港睇孫中山展覽,當然要認識佢同香港有咩關係啦,場內有介紹孫中山先生先後入讀嘅拔萃書室(拔萃男書院)、中央書院(皇仁書院)同埋香港西醫書院(香港大學醫學院)添。仲有多媒體節目介紹,即刻好似上咗堂歷史課咁呀!

透過多媒體節目認識孫中山先生,既有趣又學到嘢!

孫中山先生同佢嘅家人。

1912年孫中山先生在港督府留影。

珍貴畫像

除咗孫中山先生本人嘅資料外,展覽仲介紹咗好多同佢有關係嘅歷史人物,當中有支持,亦有反對革命嘅人,當然少不了清廷嘅慈禧太后同末代皇帝溥儀。

慈禧太后同溥儀都係清廷的執政者,視孫中山為眼中釘,歷史書一定會提到佢哋嘅名字。

原來孫中山先生喺30歲時,曾經喺夏威夷留下檔案記錄,佢有5呎5吋高,但體重只有120磅!

精選外國畫報

除咗圖片同錄像外,展覽仲展出好多舊報章,包括呢份英國畫報,就係1911年辛亥革命期間出版,仲以「本周風雲人物」去介紹孫中山先生。

卡通版嘅國父,又幾趣緻喎。

1950年代末嘅日本兒童讀物,以求學時期嘅孫中山為主題,果然氣宇軒昂。

唔經唔覺都行咗差唔多一個半鐘,周末可以Family Day之餘,自己同小朋友都學到嘢,好開心!


孫中山一百五十周年誕辰紀念展

展期:12.11.2016 – 5.12.2016

開放時間:

星期一、三至五 : 上午10時至下午6時

星期六、日及公眾假期:上午10時至晚上7時

星期二(公眾假期除外)休館

地點:香港歷史博物館一樓大堂(尖沙咀漆咸道南一百號)

免費入場

查詢電話:2724 9042

網址:hk.history.museum

最新吃喝玩樂資訊