大叔的愛
大叔的愛

全因《大叔的愛》畀勇氣 夠膽同父母承認出櫃 港男:多謝阿田阿牧KK!網民:要一直幸福落去! | 網絡熱話

生活

廣告

「性小眾」話題被ViuTV熱播劇集《大叔的愛》帶動,成為最近港人熱話。雖然近年已經愈來愈多人接受同性戀,但「男男」同性戀依然經常被投以歧視目光,令一班男同性戀者缺乏勇氣面對自己。最近有一位男同性戀者,於討論區分享自己向父母承認出櫃過程,結局仲要出乎預料!原來一切都要歸功於《大叔的愛》?

撰文:Sumi|圖片:網絡圖片|來源:Dcard

勇敢於父母面前承認出櫃 港男:真心多謝《大叔的愛》!

男主角表示原本自己同啊田一樣,完全無諗過自己會鍾意男人。當發現自己對男人有feel嘅時候,真係勁無助,唔知點算好!之後第一次同男人拍拖,非常束手無策,仲好介意街外人嘅眼光。就算拍咗2年咁耐,都一直唔敢同身邊任何人坦白自己性取向。呢種無形壓力一直成為呢段感情嘅負擔,令男主角拍拖拍得好唔開心,好驚畀人發現自己「唔正常」。

(圖片來源:《大叔的愛》劇照)
(圖片來源:《大叔的愛》劇照)
(圖片來源:Dcard)
(圖片來源:Dcard)

而男主角都好心水清,明白到父母唔會接受自己係一個男同性戀者,亦知道大眾對Gay Couple存在好大嘅歧視,所有就算想坦白交代,都無機會可以講。直到ViuTV 熱播劇集《大叔的愛》上映後,男主角有感,港人似乎對「男男」同性戀不但非常接受,仲好支持一班「性小眾」勇敢做自己!所以感得呢個係好難得嘅機會,可以坦白承認同性戀一事⋯⋯

(圖片來源:《大叔的愛》劇照)
(圖片來源:《大叔的愛》劇照)
(圖片來源:Dcard)
(圖片來源:Dcard)

大結局乘機與男友十指緊扣父母爆笑問:咁你係田田定阿牧?

《大叔的愛》大結局當日,男主角特意約男朋友到屋企,同兩老一齊睇大結局。時機成熟時,男主角係父母面前拖起男朋友嘅手,十指緊扣。當大家都認定兩老一定極力反對時,佢地嘅反應好出乎預料地,展現出支持嘅態度!真係好感動啊!男主角都話,好驚訝兩老竟然無發火,仲同佢地傾訴,問佢地邊個係「田田」、邊個表白先。

(圖片來源:《大叔的愛》劇照)
(圖片來源:《大叔的愛》劇照)
(圖片來源:Dcard)
(圖片來源:Dcard)

男主角:終於可以光明正大拖住手出街 網民:要繼續幸幸福福!

男主角事後亦表達對男朋友嘅感激,好多謝男朋友一直以來嘅體諒,同埋肯畀時間佢,等佢願意坦白性取向時,先公開戀情。記者睇完,真係覺得勁Sweet啊!普通一對情侶能夠行到2年,經已唔容易,更何況係一對地下情嘅「男男」同性戀者呢?真係要經歷好多難過先可以行到呢一步!

(圖片來源:《大叔的愛》劇照)
(圖片來源:《大叔的愛》劇照)
(圖片來源:Dcard)
(圖片來源:Dcard)
(圖片來源:Dcard)
真係好替一班同性戀者開心啊!(圖片來源:Dcard)
(圖片來源:Dcard)
有留言祝福男主角同男朋友要幸幸福福!(圖片來源:Dcard)
(圖片來源:Dcard)
網民紛紛恭喜有情人終成眷屬!(圖片來源:Dcard)
(圖片來源:Dcard)
有人歡喜有人愁,有留言表示睇完劇集,反而仲唔敢坦白!(圖片來源:Dcard)

其實無論係咩性取向都好,只要無傷害到任何人,就應該要勇敢企出嚟,做自己!希望一班「性小眾」睇完男主角分享之後,都可以勇敢做自己,勇敢面對世俗目光~支持你哋~

撰文:Sumi|圖片:網絡圖片|來源:Dcard