共用工作空間
共用工作空間

共用工作空間新玩法!工作+休閒拍住上@ Miss Sunny

生活

廣告

(Presented by Mustard Seed)

相信隨住年紀嘅成長,朋友圈中唔止愈嚟愈多人結婚,創業開公司都係其中一個趨勢。就我Miss Sunny為例,身邊創業嘅朋友下至小食店,上至辦公室都有。大家第一個難題,往往都係租金,所以惟有透過選址,或面積方面著手搵啲租金較低嘅地方。不過,當中令我最驚喜嘅一個例子,就係租用共用工作空間,唔止有良好嘅硬件配套,仲提供多種軟件服務可以幫助業務發展,感覺非常free,好似返去學生年代嘅自修室咁,但又不失專業嘅工作設備,初創企業或自由工作嘅朋友千祈唔好錯過喇!

攝影:Scott

1) Mustard Seed背景

名為Mustard Seed的共用工作空間係英皇集團創辦嘅相關項目,位置喺灣仔集團中心,相當方便。正因為係佢英皇旗下業務,所以能夠特別為娛樂、電影、及傳媒業務等創意文化產業嘅初創公司提供到非常豐富嘅資源,硬件及軟件配套,非常完善。集團甚至會考慮與業務相關的初創企業進一步合作,以協同效應帶動其發展潛能,實行互惠互利。

2) 廣闊及設施齊全工作空間

工作環境對打工仔嚟講當然重要,因為忙起上嚟,分分鐘留喺公司仲耐過屋企。Mustard Seed就提供到一個舒適嘅空間,面積超過5,000平方呎,開放式間隔令整個環境一目了然,感覺一啲都唔迫狹,仲有部分大家經常會用到嘅設備,等我同大家介紹吓啦。

3) 悠閒享樂設施

介紹完工作上嘅設備,當然仲有休閒設備啦,由飲食、玩樂、甚至沖涼設備都一應俱全,畀到大家work life balance,辛苦工作後輕鬆一吓,分分鐘玩到唔捨得走!

4) Networking活動&創業人士的workshops

除咗硬件,Mustard Seed喺軟件上都給予好大嘅支援,每月不定期舉辦電影及娛樂文化創意產業嘅講座分享會, 除咗邀請本土電影創作人, 如編劇、導演、舞台劇作家等,亦邀請集團旗下娛樂、電影及傳媒業務方面嘅高管分享經驗同行情。另外,唔同行業嘅創業人士都會被邀同大家分享創業故事。

5)「青年共享空間計劃」

Mustard Seed參加咗政府嘅「青年共享空間計劃」,係香港首間正式推行計劃嘅私營機構,目的係為年輕人提供創業空間,透過呢個計劃租用Mustard Seed嘅會員可以半價使用固定及流動辦公位。如果初創企業係同集團8大業務有協同效應的話,喺審核仲會被優先考慮!

由此可見,Mustard Seed對初創企業真係「軟硬兼施」,由硬件上多種工作及休閒相關設備,到軟件上嘅經驗分享同合作商機等,都給予支援同機會。有興趣搵一個良好共用工作空間嘅朋友,不妨考慮下Mustard Seed啦!

詳情:www.mustardseed.space