情人節
情人節

中環花海綻放!情人節6大放閃地方

生活

廣告

今時今日嘅情人節,有情人嘅你,都知道情人節係一場戰爭!一場鬥放閃嘅戰爭,你,真係準備好?!為大家精選6大情人節放閃好地方,最好環境靚靚之外,大部分都免費入場,無得輸!

放閃聖地1:中環2.5萬花海 花海情侶齊放閃

要數近期最hit話題非呢個玫瑰花海莫屬啦!之前喺首爾都有舉辦過,今次就輪到香港啦。展覽將於情人節當日開幕,到時就可以帶埋女朋友去影合照,放上網曬下命,又唔怕冇節目另一半會怨你啦!

 

浪漫醉人~直擊中環2.5萬朵玫瑰花海浪漫醉人~直擊中環2.5萬朵玫瑰花海詳情:www.weekendhk.com/?p=157908率先睇!來自韓國的Light Rose Garden玫瑰燈海園香港站已經準備好啦!夜幕下,身處於2.5萬朵靚到發光的玫瑰花海中,完全被浪漫的氣氛籠罩著,好靚好靚好靚~#新假期生活 #中環 #lightrosegarden===============中環花海綻放!情人節6大放閃地方詳情:www.weekendhk.com/?p=186835各位為食邪惡朋友,記得加入新假期facebook群組,有得俾大家報食睇食,即加入【新假期飲食邪惡情報】群組!連結:https://www.facebook.com/groups/wwfood/Posted by 新假期周刊 on Saturday, February 13, 2016

 

展覽將會喺情人節當日開始開放,每晚6時至11時玫瑰花就會亮燈。展期分為兩個階段,橫跨中式及西式情人節,首階段(2月14至16日)將會配上維港夜景,喺中西區海濱長廊擺放,第二階段(2月20至22日)就喺添馬公園展出,以中環高樓大廈的繁華景色作背景。花海「遷徙」期間(2月17至19日)會繼續局部開放,但大家要留意如果落雨,花海將會暫停亮燈。

3. LRG_WIP_FairTradeWorkers
工作人員不停「插花」,今個星期日(14/2)大家就見到2.5朵萬玫瑰喇!

 

第二階段(2月20至22日)添馬公園。
第二階段(2月20至22日)添馬公園。

 

張智霖(Chilam)與太太袁詠儀(靚靚)表現恩愛,自愛兒Morton出世後,美滿幸福家庭羨煞旁人。靚靚提到愛最大的能量就是包容,包括忍耐和接受對方種種;而Chilam認為愛是生命的原動力,欠缺愛生存就沒有意義了,他又坦言現在的香港缺乏了「喜愛」,一種開心的愛,所以希望有些開心事發生令大家「喜愛」。
張智霖(Chilam)與太太袁詠儀(靚靚)表現恩愛,自愛兒Morton出世後,美滿幸福家庭羨煞旁人。靚靚提到愛最大的能量就是包容,包括忍耐和接受對方種種;而Chilam認為愛是生命的原動力,欠缺愛生存就沒有意義了,他又坦言現在的香港缺乏了「喜愛」,一種開心的愛,所以希望有些開心事發生令大家「喜愛」。
首階段(2月14至16日)中西區海濱長廊。
首階段(2月14至16日)中西區海濱長廊。

Light Rose Garden 玫瑰燈海園香港站
地點:中環海濱 (顯示地圖)
開放日期:14/2 – 16/2 ; 20/2 – 22/2

放閃聖地2:愉景灣 心心花陣

對於出名要求多嘅香港人,睇完影完最好附近有得食埋,又要有情調就perfect池啦!咁愉景灣呢個心心花陣應該滿足到高要求嘅你同妳喇!由聽日(2月13日)去到情人節兩日仲可以坐觀光馬車添!好多人都知愉景灣充滿外國風情,仲要有得坐馬車,好似做咗王子公主咁,So romantic!係聽日去到情人節指定時段到商場服務台,出示已「讚好」香港愉景灣 Facebook 專頁的畫面,仲可以免費獲得心形愛情鎖添!

情約花季
地點:愉景北商場 (顯示地圖)
開放日期:2 月 13 及 14 日

放閃聖地3:中環、油麻地31條超靚樓梯畫

想同靚靚樓梯畫影相,唔駛再飛到首爾咁遠喇。一班來自日、韓、台、法、港嘅藝術家,最近將中環PMQ嘅25條樓梯變身靚靚畫作,畫出屬於香港嘅梯畫;同時間係油麻地眾坊街街坊會小學旁都可以捕獲野生既樓梯畫。慳返去韓國既錢,又可以同另一半食多啲好西啦!

PMQ 樓梯畫

日期:即日起至4月30日
地址:油麻地眾坊街、中環鴨巴甸街35號PMQ玩創方(顯示地圖

放閃聖地4:Hello Kitty 化身孫悟空大鬧天宮

用得小三呢個字都知道Hello Kitty足以令女性陷入瘋狂狀態!新年流流連Hello Kitty都嚟香港湊熱鬧,今次仲同其他Sanrio的卡通人物化身成中國神話人物,務求俘虜所有女性的心。今次3D展覽會係希爾頓中心舉行,分三個時段。情人節到3月尾都會係中國神話,之後會係西方同希臘神話到今年8月尾。如果情人節去唔到都可以mark低返,呢幾個月又多一個拍拖好地方!

影出嚟嘅效果就好似爬喺橫樑上面咁,好得意!大家留唔留意到背景嘅蜘蛛精?
影出嚟嘅效果就好似爬喺橫樑上面咁,好得意!大家留唔留意到背景嘅蜘蛛精?
後面嘅布甸狗同女朋友馬卡龍就一年先見一次,大家不妨手拖手企喺屋頂上面曬命,不過首先你要有......
後面嘅布甸狗同女朋友馬卡龍就一年先見一次,大家不妨手拖手企喺屋頂上面曬命,不過首先你要有……

HK3DM X SANRIO CHARACTERS奇幻三部曲

地址:尖東加連威老道96號希爾頓中心1樓 (顯示地圖)
營業時間:10am – 8pm
門票價格:單次門票 成人$120/ 小童$100(星期一至五、只限網上門票);成人$149/小童$120 (週末及公眾假期);
三部曲套票:成人$298 / 小童$220
電話:2721 9720
網址:www.hk3dm.com.hk

放閃聖地5 大生圍天空之鏡

元朗嘅景點越嚟越多人,有時想搵個少人D嘅地方影吓相都唔得,但大生圍相對好得多,人流少,仲係一個寧靜嘅小漁村,加上潮水清澈,山明水秀,營成了這個令人心醉的天空之鏡

地址:元朗大生圍 (顯示地圖)

放閃聖地6:下白泥夕陽

相信香港人對下白泥都唔陌生,呢度係新界最西面嘅地方之一,所以出咗名可以睇到靚日落!有體力嘅話,仲可以由屯門良田坳行入去,路程大約兩小時,沿途風景都好靚~

周末 日落 下白泥

歡迎Instagram / facebook 使用#weekendhk 報料,資料一經選中會為你公告天下!
想最快接收第一手的旅遊飲食資訊?Easy
1.
先分別讚好「新假期周刊」及「新假期Jetso 」兩個Facebook專頁
2.
在「讚好」按鈕下揀選「搶先看」,搞掂!
see first