「字」的意思是小孩出世 ! 漢字文化體驗展覽 吸收書卷味

作為龍的傳人，除咗認識香港本土歷史，仲要認識中國漢字嘅文化，依家舉行緊嘅「活字生香 漢字文化體驗展覽 」就係大家增加書卷味嘅時候喇！事不宜遲，睇下有咩必睇位先！

圖片：Mark

1.「活」字入題

一般人都認為講起呢啲傳統嘢一定好悶，咁諗就錯喇！因為呢個展覽加入咗唔少現代元素，例如影相互動遊戲環節，玩下廣東話、普通話歇後語，玩完遊戲仲可以攞番1支籤文添，有趣好多！

2. 6大個展區

通常展覽都係有 4-5 個展區，但今次展覽竟然有成 6 個展區咁多！展覽其實係環繞住兩條主線索，第1係「漢字知識與文化」，第2係「漢字與現代生活」，主題區、漢字故事、字在生活、大美漢字、漢字能量達人、小倉頡 DIY 手作藝想空間，仲結合咗香港本地文化特色添。

3. 「花花字遊展」

相信呢個活動女生們一定好鍾意喇，皆因呢個系列係同花相關嘅漢字互動環節，體驗咗漢字之美添，3 月時開滿花嘅饒宗頤文化館，可以更投入欣賞！更多有關於 3 月 花花字遊節，可以留意「活字生香漢字文化展覽」官方主頁！

4. 特設兒童專區

4月係兒童節，主辦非常貼心呀，特別為兒童設計專區，仲有遊戲添，好似呢個「漢字繽FUN樂——開啟孩子的奇思異想之旅」就係俾小朋友邊玩邊學習漢字知識！

5. 多個手作課程

今次展覽仲有橡膠印章、木板壓印、自製襟章等等，記得整番夠本呀！記得睇埋有咩紀念品買，好多展覽都有紀念品賣，呢個展覽都唔例外，記得行埋先走！

鳴謝：科大訊飛股份有限公司提供漢字能量達人的語音識別和面部識別等人工智能科技
鳴謝：北京單向街文化有限公司解說籤文中風趣而智慧的「宜與忌」。

詳情：

主題：活字生香 漢字文化體驗展
展覽：2017年2月18日-6月30日
時間：每週二-週日（週一休館）10:00am-6:00pm
門票：免費
地點：香港九龍青山道800號饒宗頤文化館F座上層
網址： www.tvwocc.com
facebook :活字生香漢字文化展