暑假必去!同3大本地體壇男神女神打卡selfie  免費睇「 運動 x 藝術」figure展 @Miss Sunny
暑假必去!同3大本地體壇男神女神打卡selfie  免費睇「 運動 x 藝術」figure展 @Miss Sunny

暑假必去!同3大本地體壇男神女神打卡selfie 免費睇「 運動 x 藝術」figure展 @Miss Sunny

(presented by PopCorn)

香港夏天又濕又熱,郁下就一身汗,雖然我Miss Sunny人如其名,好鍾意戶外活動,但可以的話梗係唔想出汗又有運動感覺啦,最近竟然畀我喺將軍澳PopCorn商場搵到咁筍嘅嘢!原來佢哋慶祝緊5周年,搞咗個好大規模嘅「 運動 x 藝術」figure 展覽,雲集3大本地體壇男神女神 「女飛魚」歐鎧淳、「羽毛球王子」伍家朗同「跳高女神」楊文蔚 1:1 figure等你selfie,仲有KINECT體感遊戲專區,畀你輕輕鬆鬆玩下遊戲就度過炎炎夏日啦!

 

暑假必去!同3大本地體壇男神女神打卡selfie  免費睇「 運動 x 藝術」figure展 @Miss Sunny

 

韓國figure教父Coolrain
韓國figure教父Coolrain

1:1 figure 零距離同男神女神打卡selfie 向本土 運動 員致敬

一去到PopCorn一期一樓,即刻畀3個真人大細嘅男神女神figure「吸睛」~ 韓國figure教父Coolrain同過好多國際 運動品牌合作,好似NIKE、PUMA、Converse等,最擅長做1:6嘅精細模型,今次特別為3位香港傑出 運動員打造1:1 figure,紀錄其於賽場上揮灑汗水、大放異彩的時刻,每個 運動員造型都唯肖唯妙,最得意係有埋專屬嘅招牌動作,原汁原味紀錄香港 運動員在場上自信嘅一面!

「女飛魚」歐鎧淳企喺泳池跳台,自信滿滿,準備隨時躍入水中嘅英姿。
「女飛魚」歐鎧淳企喺泳池跳台,自信滿滿,準備隨時躍入水中嘅英姿。
「跳高女神」楊文蔚企喺1.88米嘅計分牌旁邊,重現當時打破香港紀錄嘅一刻。
「跳高女神」楊文蔚企喺1.88米嘅計分牌旁邊,重現當時打破香港紀錄嘅一刻。

 

「羽毛球王子」伍家朗就展示出球場上為勝利呼喊嘅激昂神情。
「羽毛球王子」伍家朗就展示出球場上為勝利呼喊嘅激昂神情。

 

同場仲展出Coolrain親手幫3位運動員做嘅1:6 figure,連道具啲細節位都超Detail!
同場仲展出Coolrain親手幫3位運動員做嘅1:6 figure,連道具啲細節位都超Detail!

運動 科學體驗館 等你挑機

有得睇,梗係仲有得玩啦!「運動科學體驗館」嘅三大賽區透過全新Kinect體感遊戲,體驗與冠軍級人馬同場較量嘅滋味,可以一邊歎住冷氣;一邊以Kinect感受做運動嘅趣味,大人細路都話至Like!

先去游泳區挑戰100米自由式,睇下你同歐鎧淳邊個快啲?
先去游泳區挑戰100米自由式,睇下你同歐鎧淳邊個快啲?

 

再去羽毛球場跟伍家朗學正宗羽毛球步法,要喺每球落地前搶點救球,考身手又考反應!
再去羽毛球場跟伍家朗學正宗羽毛球步法,要喺每球落地前搶點救球,考身手又考反應!

 

仲未攰?咁就去挑戰埋楊文蔚1.88米嘅香港女子跳高記錄,用體感遊戲模擬跳高,挑戰自己個人新「高」。
仲未攰?咁就去挑戰埋楊文蔚1.88米嘅香港女子跳高記錄,用體感遊戲模擬跳高,挑戰自己個人新「高」。

唔使飛首爾睇Coolrain珍藏figure展

如果你平時既愛運動又愛玩模型,咁就啱喇!同場仲可以一次過睇晒Coolrain其他嘅「運動x藝術」珍藏figure﹗

最震撼一定係巴西足球球星尼馬(Neymar) 1:1 真人比例figure,將佢入波之後嘅招積樣完全表現出嚟!
最震撼一定係巴西足球球星尼馬(Neymar) 1:1 真人比例figure,將佢入波之後嘅招積樣完全表現出嚟!

同場仲嚴選出50座以體育為主題嘅招牌12吋 figure ,包括同尼馬一樣係巴西隊嘅爆炸頭David Luiz,NBA球星Kobe Bryant、Lebron James,仲首次展出NBA傳奇Scottie Pippen嘅1:4figure,從球衣同表情都睇得出手工精細,真係值得影多幾張相!最後記得睇埋 Coolrain 最出名嘅作品 Dunkeys 同 BBOY,無論作為運動迷或者玩具迷,都唔可以錯過!

暑假必去!同3大本地體壇男神女神打卡selfie  免費睇「 運動 x 藝術」figure展 @Miss Sunny

 

暑假必去!同3大本地體壇男神女神打卡selfie  免費睇「 運動 x 藝術」figure展 @Miss Sunny

暑假必去!同3大本地體壇男神女神打卡selfie  免費睇「 運動 x 藝術」figure展 @Miss Sunny


【FIGURE OUT HK GLORY!運動藝術展】

地址:PopCorn(港鐵將軍澳站C出口)(顯示地圖)
展出日期:即日至3/9
開放時間:12nn-10pm
電話:3543 1273
備註:免費入場

最新吃喝玩樂資訊