Threads超爆紅! 3Coins料理盒 地獄廚神必備神器

1. 三文魚🐟

跟返Threads友，用鹽同黑椒醃一醃🧂，放入調理鍋，再入微波爐，750W叮4分鐘🔥！拎出嚟之後翻一翻面，再叮4分鐘🕑～煎得勁靚，微波爐都完全做到煎三文魚嘅效果🍳！

2. 牛板腱🥩

根據Threads友嘅做法，首先用鹽同黑椒醃一醃🧂，放入調理鍋，再入微波爐，750W叮3分鐘✨！拎出嚟翻面再叮1分半～呢個做法食落就有啲韌喇😬，結論係牛板腱唔適合用調理鍋整！可能要用返比較多油脂嘅部分💦，再調整下烹調時長🕠～（歡迎大家Share點整會好味啲～🧡

3. 豚肉烏冬🍜

呢個見到Threads友整嘅呢個豚肉烏冬，真係勁方便😋！好吸引啊🤩～首先喺底部鋪上一層豚肉，放入解凍咗嘅烏冬，加入260mL水，再按自己嘅喜好加豉油🫡～入微波爐用750W叮4分鐘！拎出嚟輕輕撈勻再叮4分鐘就完成～懶人煮法嚟講味道正正常常👍🏻！

4. 白飯🍚

最後打大佬💪🏻！完全冇諗過白飯都可以用微波爐整，仲要直接750W叮10分鐘就搞掂😱～食落仲有啲電飯煲煮出嚟嘅味道🤩！想快速煮好一人份量，又唔想開電飯煲嘅話，呢個真係懶人恩物啊😍～

一個飯盒可以整到咁多嘢，真係好方便✨～仲要價錢同日本買差唔多🤫（$120港紙一個～），快啲send比你嘅地獄煮神朋友睇啦👨🏼‍🍳！

在 Instagram 查看這則貼文新假期 Weekend Weekly（@weekendweekly）分享的貼文